Sipas të dhënave të një ankete të Këshillit Evropian për Marrëdhëniet me Jashtë (ECFR), Kosova zë vendin e parë në Evropë, sa i përket tkurrjes së popullsisë, në vitet e fundit.
Po sipas të njëjtave të dhëna, të publikuara nga mediumi prestigjioz britanik The Guardian, përcjell Telegrafi, gjatë periudhës 2007-2018, Kosova ka pësuar një tkurrje të popullsisë me rreth 15,4 për qind.
Kështu, sipas po të njëjtave të dhëna, Kosova ndiqet ndër tjerash nga vende si Lituania, Letonia, Bosnja dhe Hercegovina, Rumania, Bullgaria, Serbia, Kroacia e Shqipëria.
Ndryshe, në hulumtimin e ECFR thuhet se vendet e Evropës Juglindore dhe Lindore janë më të shqetësuara për emigracionin sesa për imigracionin, sipas një studimi të gjerë të qëndrimeve në 14 vende të BE-së.
Sipas The Guardian, përcjell Telegrafi, në Spanjë, Itali, Greqi, Poloni, Hungari dhe Rumani, gjashtë vende ku nivelet e popullsisë janë ose të njëtrajtshme, ose në rënie të ndjeshme, më shumë qytetarë kanë thënë se emigrimi ishte shqetësim më i madh sesa imigrimi, sipas anketës nga Këshilli Evropian për Marrëdhëniet me Jashtë (ECFR).
Sa i përket vendeve të BE-së, rëniet më të mëdha janë në Rumani, ku popullsia është zvogëluar për gati 10% gjatë dekadës së kaluar, pasi një eksod kryesisht i të rinjve lëvizën për të punuar në Evropën Perëndimore.
Megjithatë, në vendet veriore dhe perëndimore, shqetësimet mbi imigracionin tejkaluan shumë ato për emigracionin.
Hulumtimi thuhet të jetë kryer për të përcaktuar çështjet kryesore të shqetësimit përpara zgjedhjeve parlamentare evropiane në maj. Ndryshe, të 14 vendet e anketuara do të zënë 80% të vendeve në parlamentin e ri.
Sondazhi zbuloi se evropianët janë të shqetësuar për shumë më tepër se migracioni, edhe pse ka dominuar politika dhe diskutimet rreth BE-së gjatë mandatit pesëvjeçar të parlamentit që po largohet. Korrupsioni, nacionalizmi, terrorizmi dhe ndryshimet klimatike gjithashtu janë në çështje shqetësuese.
Në anketën në tërësi, 20% ishin të shqetësuar për emigracionin dhe 32% për imigracionin. Sondazhi u krye nga YouGov dhe pyeti rreth 50,000 njerëz.
Madje, në disa vende, frika e emigrimit ishte aq e madhe sa një numër i madh njerëzish besonin se bashkatdhetarët nuk duhet të lejohen të largohen nga vendi i tyre për periudha të gjata kohore.
“Zgjedhjet e BE-së janë shitur si një fushë beteje në zemër të Evropës”, tha Mark Leonard, drejtor i ECFR, duke shtuar se nacionalistët po përpiqeshin ta kthenin votën në një referendum mbi migracionin.
Kështu, liderët populistë si Viktor Orbán i Hungarisë dhe Matteo Salvini i Italisë po “të përdorin” çështjen e emigracionit në zgjedhjet e 23-26 maj, ku 374 milionë njerëz kanë të drejtë të votojnë në një parlament të ri për një mandat pesëvjeçar.
Zgjedhjet evropiane janë gara e dytë më e madhe zgjedhore në botë, pas zgjedhjeve indiane. Votuesit në 27 vende do të zgjedhin 705 deputetë, të cilët do të marrin detyrën më 2 korrik. Mbretëria e Bashkuar nuk është planifikuar të marrë pjesë në votim dhe do të duhet të informojë BE-në deri në 12 prill nëse dëshiron të zgjedhë deputetët. /Telegrafi/
Lufta Prigozhin - Putin
Më shumëNga Rubrika
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
A po i rehabiliton shteti të dënuarit për tensionet në veri?
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Kryeministri malazez, Spajiq: Nuk do të heqim dorë nga NATO-ja dhe njohja e Kosovës
Kushtëzimi me Asociacionin, Kurti s’flet për qëndrimin e Gjermanisë rreth anëtarësimit të Kosovës në KiE
Publikohet dosja, si e rekrutoi inteligjenca ruse Mikhail Zorin të vinte në Shqipëri dhe të mblidhte informacione
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës