Peticioni i qytetarëve të Mitrovicës, për bashkimin e qytetit, nuk është dërguar në Komisionin për të Drejtat e Njeriut, Barazi Gjinore, për Persona të Pagjetur dhe Peticione. Kështu tha në një prononcim për Telegrafin kryetarja e këtij Komisioni, Duda Balje.
Deputetja Balje tha se peticioni nuk ka shkuar fare në komision dhe se Komisioni, të cilën ajo e drejton, nuk ka kompetencë të kërkojë llogari për këtë çështje.
“Peticioni i qytetarëve për Bashkimin e Mitrovicës nuk ka ardhur te ne në komision. Ne nuk kemi kompetencë të kërkojmë llogari për mosardhjen te ne. Edhe pse jemi Komisioni i vetëm që kemi mandat t’i shqyrtojmë peticionet. Kosova nuk ka ligj për peticion. Ne i shqyrtojmë në bazë të rregullores së Kuvendit”, ka thënë ajo.
Balje gjithashtu shprehu keqardhje që peticioni për bashkimin e Mitrovicës nuk është dërguar në këtë Komision, pasi siç tha ajo do ta përkrahte kërkesën e qytetarëve të Mitrovicës.
“Më vjen keq që nuk ka arritur te ne peticioni, sepse unë do të jem në krahun e kërkesës së qytetarëve”, ka thënë deputetja Balje, për Telegrafin.
Ndërsa, kryetari i komunës së Mitrovicës, Agim Bahtiri i cili është edhe iniciator i këtij peticioni theksoi për Telegrafin se nuk e din arsyen pse nuk ka shkuar peticioni në këtë Komision.
“Unë nuk e di pse s’ka shkuar, pasi është sekretaria që e vendos. Unë ia kam dorëzuar kryeparlamentarit, Kryetarit të shtetit, grupeve parlamentare”, tha ai.
Bahtiri kërkon nga kryetari i Kuvendit të Kosovës, Kadri Veseli që ta dërgojë peticionin në organet të cilat ai i drejton.
“Unë bëj apel që kryetari i Kuvendit, peticionin le ta dërgoj nëpër organe të nivelit që ai e drejton. Të gjitha ato që janë nevojitur i kam dërguar. I kam dërguar në mënyrë të hapur tek të gjithë”, potencoi ai.
I pyetur se a ka pasur bisedë me kryetarin e Kuvendit, për ta ditur arsyen e mos dërgimit të këtij peticioni në Komisionin për të Drejtat e Njeriut, Barazi Gjinore, për Persona të Pagjetur dhe Peticione, Bahtiri tha se “nuk e di çka me bë më shumë…”
“S’kam pas lidhje telefonike me Kadri Veselin, por i lutem që të fillojë një procedurë që të shkojë në Kuvend si pikë e rendit të ditës, dhe ta dëgjojmë nga deputetet se si po e trajtojnë, si dhe kush po e përkrah dhe kush jo… S’e kam problemin kush e përkrah e kush jo, mjafton të hyj në seancë”.
Ndryshe, peticioni për bashkimin e Mitrovicës me 16.594 nënshkrime nga qytetarët e Mitrovicës është dorëzuar për herë të parë më 16 janar në Kuvendin e Republikës së Kosovës, mirëpo ky peticion i cili më pas u dorëzua nga Kuvendi në Qeverinë e Republikës së Kosovës dhe nga aty në Ministrinë e Administrimit dhe Pushtetit Lokal (MAPL), nuk e mori mbështetjen e duhur.
Më pas kryetari i kësaj komune, Agim Bahtiri javën e kaluar këtë peticion e dorëzoi tek presidenti i vendit, Hashim Thaçi dhe më pas tek Grupet Parlamentare në Kuvendin e Republikës së Kosovës. /Telegrafi/
Promo
Reklamo këtuLufta Prigozhin - Putin
Më shumëBuleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Server: Qeveria e re e Serbisë me bashkëpunëtorë të sulmit terrorist të Banjskës
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Fundjava e parë pa kufi Kosovë-Shqipëri, qytetarët: Jemi një komb, s’duhet të ketë kurrë kontrolle
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak