Real Madridi pritet ta shesë Balen në verë

Gareth Bale mendohet se do të shitet në afatin kalimtar të verës nga Real Madridi.

Mediat spanjolle e kanë kritikuar uellsianin për paraqitjen e tij kundër Levantes javën e kaluar dhe refuzimin për të festuar golin e tij nga penalltia me shokët e skuadrës.

Edhe bashkëlojtari i tij Thibaut Courtois kritikoi Balen për mos ndjekjen e darkave të ekipit ndërsa ish-trajneri i Realit dhe Uellsit, John Toshack, shtoi se lojtari kishte nevojë për të mësuar gjuhën spanjolle për të ‘treguar respekt’ për tifozët.

Lexo po ashtu Sjellja e Gareth Bale tregon momentin e tij të keq që po kalon te Real Madridi: Refuzoi të ngrohet, shtyn Vazquezin dhe nuk feston me lojtarët

Karakteri i tij i mbyllur nuk ka ndikuar mirë te dashuria e tij tek mediat dhe tifozët spanjollë, që thuhet se janë pas vendimit për të përshpejtuar një largim.

Sipas mediumit Diario AS, Presidenti i Real Madridit, Florentino Perez ka marrë tashmë vendimin e tij për të shitur Bale këtë verë.

Me shitjen e Bale, drejtuesit e klubit nga Bernabeu synojnë të financojnë objektiva e tyre të transferimeve.

Lexo po ashtu Real Madrid konsideron shitjen e Gareth Bale

Ndër lojtarët më të pëlqyer dhe që po lidhen me Realin janë Eden Hazard, Kylian Mbappe dhe Mauro Icardi.

Bale u bashkua me Real Madridin nga Tottenhami në verën e vitit 2013 dhe ka fituar katër tituj të Ligës së Kampionëve me klubin. /Telegrafi/