Ndeshja që përcakton finalistin e parë të Copa del Rey, formacionet e mundshme: Real – Barcelona

Real Madrid do të mirëpresë sonte Barcelonën në Santiago Bernabeu për ndeshjen e dytë të gjysmëfinales së Copa del Rey.

Gjithçka pritet të vendoset në Madrid pasi që ndeshja e parë kishte përfunduar me rezultat të barabartë 1:1, ku golashënues ishin Lucas Vazquez për Los Blancos dhe Malcom te katalunasit.

Isco nuk është ftuar për këtë ndeshje nga ana e trajnerit Santiago Solari gjersa Marcelo dhe Gareth Bale do të jenë në bankën rezervë.

Në anën tjetër, Rafinha, Jasper Cillessen, Arthur dhe Thomas Vermaelen nuk pritet të startojnë për blaugranat.

Kujtojmë se në gjashtë ndeshjet e fundit mes këtyre dyja skuadrave, Barça ka dy fitore po aq sa ka edhe Reali dhe në dy raste janë ndarë të barabartë.

Lexo po ashtu Të gjitha lajmet rreth Realit

Lexo po ashtu Të gjitha lajmet rreth Barcelonës

Kujtojmë se fitues në fuqi i kësaj gare është skuadra e Barçës, e cila në vitet e fundit ka dominuar në këtë garë spanjolle.

Tashmë mediat e huaja kanë publikuar formacionet e mundshme të të dyja skuadrave, ku do të ketë ndryshime të vogla.

Real Madrid: Navas: Carvajal, Ramos, Varane, Reguilon; Casemiro, Kroos, Modric; Vinicius, Benzema dhe Lucas

Barcelona: Ter Stegen; Roberto, Pique, Lenglet, Alba; Rakitic, Vidal, Busquets; Dembele, Suarez dhe Messi. /Telegrafi/