Ramos: Vuajtëm ndaj Ajaxit, tani radha e tyre të vuajë para tifozëve të Real Madridit

Real Madridi mori një fitore të rëndësishme në ndeshjen e parë kundër Ajaxit në Ligën e Kampionëve, ku kapiteni Sergio Ramos, u nda i kënaqur me rezultatin.

Karim Benzema i dha epërsinë kampionëve evropianë dhe botërorë, ndërsa Marco Asensio e vulosi fitoren për Los Blancos.

“Ajax rritet kur luan në shtëpi dhe ata ngritën edhe paraqitjen e tyre. Ata bën presing shumë të lartë dhe nuk na lejonin të merrnim topin kështu që filluam ta kërkojmë daljen me topa të gjatë”.

“Tani është koha që ata të vuajnë para tifozëve tanë”, tha fillimisht Ramos.

Sezoni i Real Madridit është kthyer gjatë javëve të fundit dhe po ashtu, tani janë pozicionuar mirë edhe në Ligën e Kampionëve.

Lexo po ashtu Solari: I lumtur me paraqitjen e lojtarëve, nuk kam monitor për VAR, por iu besojmë gjyqtarëve

“Ne kemi qenë të efektshëm, mbi të gjitha. Futbolli nuk është gjithmonë një lojë e bukur dhe ne duhet të dimë se si t’i interpretojmë ndeshjet”.

“Ne duhet të krijojmë hapësirë ​​dhe pastaj të përfitojmë”.

Ramos e pranoi se loja ka qenë e vështirë, pasi të rinjtë e Ajaxit dhanë gjithçka dhe luajtën fortë, por sipas tij fitoret me vuajtje janë të ëmbla.

Lexo po ashtu Ajax 1-2 Real: Notat e lojtarëve, Neres më i miri

Kapiteni do të mungojë në ndeshjen kthyese të Ligës së Kampionëve kundër Ajaxit. /Telegrafi/