Test personaliteti: Zgjedhja që bëni tregon shumë për ju

Shkencëtarët besojnë se njerëzit përpiqen t’i japin një kuptim jetës së tyre duke i drejtuar vetes tri pyetje të rëndësishme: Kush jam? Çfarë mendojnë të tjerët për mua? Çfarë dua të bëhem në jetë?

Testet e personalitetit na ndihmojnë ndonjëherë për t’i dhënë përgjigje këtyre tri pyetjeve kaq jetike.

Bright Side na e jep mundësinë përmes këtij testi personaliteti për të mësuar më shumë rreth vetes suaj. Mjafton të zgjidhni se kush është më “budallai” në foton e mëposhtme:

Personi i parë

Nëse keni zgjedhur personin e parë, kjo do të thotë se ju jeni fatalist. Do të preferonit të hiqnit dorë nga çdo gjë nëse besoni se situata nuk do të ndryshojë në asnjë mënyrë. Ju i pranoni ngjarjet dhe rrethanat ashtu siç janë.

Kurrë nuk filloni një argument dhe në përgjithësi silleni në mënyrë paqësore, sepse luftimet dhe grindjet vetëm ju mërzisin. Keni një zemër të madhe dhe e vlerësoni shumë ndershmërinë. Mos lejoni që të mendoni se gjithçka është e paracaktuar dhe mos harroni se jeni ju që e krijoni fatin tuaj.

Personi i dytë

Nëse shkoi me opsionin e dytë, mund të karakterizoheni si një person që shpesh merr vendime të nxituara. Kështu që herën tjetër që merrni një vendim, merrni kohë dhe përpiquni të analizoheni gjendjen e përgjithshme.

Jeni pak kokëfortë dhe nuk ndiheni keq për atë që ka ndodhur në të kaluarën. Ju merrni përgjegjësinë e plotë për vendimet tuaja dhe vareni vetëm nga vetja.

Personi i tretë

Pra, ju keni zgjedhur personin e tretë. Ju jeni një luftëtar i vërtetë dhe ndonjëherë veproni në mënyrë impulsive.

Ju keni një aftësi të madhe për të luftuar deri në fund kur bëhet fjalë për mbrojtjen e pozitës suaj dhe për gjërat në të cilat besoni.

Përballja me strategji dhe qasje të reja është vetëm aftësia juaj dhe për këtë gjë njerëzit si ju zakonisht bëhen të shkëlqyer në biznes.

Personi i katërt

Nëse keni zgjedhur personin e katërt, kjo do të thotë se jeni një shpirt rebel. Ju jeni një jo-konformist i vërtetë i cili është i gatshëm të sakrifikojë edhe interesat e veta në mënyrë që të bëjë diçka për dikë tjetër.

Ju besoni në parimet tuaja dhe mendoni se pikëpamja ose vendimi juaj është gjithmonë më i miri. Mos harroni se shumëllojshmëria e mendimeve shpesh i jep një kuptim më të mirë një situate, prandaj herën tjetër kur të filloni një argument, përpiquni të dëgjoni edhe mendimin e të tjerëve. /Telegrafi/