Hazard largohet nga Chelsea vetëm për Real Madridin

Eden Hazard do të largohet nga Chelsea për Real Madridin ka thënë eksperti belg i futbollit, Kristof Terreur.

E ardhmja e yllit belg ka qenë tash e një kohë cak i thashethemeve të mediave, të cilët vazhdimisht kanë raportuar për një largim të tij nga Chelsea.

Skuadra më e interesuar në të thuhet se është Real Madridi dhe sipas ekspertit belg, Terreur, vetëm Mbretërit do ta bënin Hazardin të largohet nga Stamford Bridge.

Lexo po ashtu Real Madridi planifikon oferta për Hazardin dhe Eriksenin

“Për Hazardin, është e thjeshtë. Ai ose qëndron në Chelsea ose shkon në Real Madrid”, ka thënë fillimisht Terreur për HLN.

“Ai nuk mendon për PSG-në. Ata gjithmonë janë sjell rreth tij dhe gjithmonë kanë pasur të njëjtin përgjigje: kam luajtur tashmë në Ligue 1”.

“Ai do të kthehej sërish në këtë kampionat vetëm te Lille, nëse vendos të kthehet një ditë në Francë”.

Lexo po ashtu Lojtarët më të vlefshëm të Ligës Premier në një formacion - De Gea e Hazard as rezervë, sundojnë mbrojtja e Liverpoolit dhe sulmi i Manchester Cityt

“Edeni, gruaja dhe fëmijët e tij janë të lumtur dhe nëse ëndrra e transferimit në Real Madrid nuk realizohet, ai do të qëndrojë në Chelsea dhe do të nënshkruajë një kontratë të përjetshme”.

“Por, unë mendoj se ai do të shtyjë Real Madridin për të lëvizur”, përfundoi eksperti belg i futbollit. /Telegrafi/