Drejtori menaxhues i Fondit të Kursimeve Pensionale (Trusti), Adrian Zalli, nga 1 janari 2019 nuk është njeriu më i paguar në Kosovë.
Zalli vite me radhë ka marr pagë mujore rreth 5,000 euro.
Por për të ulur pagën e Zallit, kishte marr iniciativë Komisioni Parlamentar për Buxhet dhe Financa.
Deklaratën për pagesën e Adrian Zallit mund ta ndiqni nga minuta e 13-të e intervistës.
Kryetari i këtij Komisioni, Lumir Abdixhiku, kishte njoftuar se pagat e menaxhmentit të Trustit përfundimisht nivelohen me ato të Bankës Qendrore të Kosovës (BQK).
“Siç ju kam paralajmëruar më parë, pas iniciativës të Komisionit që udhëheq, pagat e menaxhmentit të TRUST-it përfundimisht – pas 10 viteve debat – nivelohen me ato të BQK-së. Sot pranova njoftimit e Bordit të Trustit që konfirmon këtë ndryshim e zvogëlim. Jam i lumtur për këtë. Kemi konsideruar vazhdimisht se pagat prej 6,000 eurove ishin jo proporcionale me rendin institucional në vend dhe me nivelin ekonomik në Kosovë”, kishte shkruar Abdixhiku në profilin e tij në Facebook.
Zëdhënësi i Fondit të Kursimeve Pensionale të Kosovës, Jeton Demi, në një intervistë për emisionin “Ekonomi” në Telegrafi, ka thënë se do të bëhet harmonizimi i pagave në këtë institucion.
Demi ka treguar se paga e drejtorit menaxhues të Trustit nuk do të jetë më e madhe se e Guvernatorit të Bankës Qendrore të Kosovës.
“Duhet pasur parasysh specifikat e institucionit. Fondi Pensional është i vetmi institucion publik që është në tregjet ndërkombëtare dhe si i tillë nuk është penalizuar për specifikat që i ka. Pra si tillë nuk mund të krahasohet me institucionet e tjera publike, sepse po ka ngjashmëri dhe krahasimet duhet të jenë me sektorët e ngjashëm. Në fund të fundit kjo është historike, pra prej se është themeluar institucioni dhe prej vendimit që ka ardh nga një bord ndërkombëtar nuk është as zotëri Zalli apo vartës i tij nuk ka qenë përcaktues në anën e kompensimit të tyre. Kjo çështja e trajtimit të pagës dhe të ardhurave është një çështje që është performanca vjetore sikurse po ndërlidhen ndërmjet veti por nuk kanë të përbashkët. Kjo çështje në vitin 2018 është trajtuar nga Komisioni për Financa, i cili ka kërkuar që të ketë një lloj harmonizimi të pagave të Kursimeve Pensionale dhe pagave të Bankës Qendrore të Kosovës, kjo dhe ka ndodhur dhe nga janari 2019 do të ketë një lloj harmonizimi të tyre sipas hierarkisë. Për atë sa kam informacion paga e zotëri Zallit nuk do të jetë më e madhe se e Guvernatorit”, tha zëdhënësi i Trustit, Jeton Demi.
Sipas të dhënave të Agjencisë Kundër Korrupsion lidhur me deklarimin e pasurisë për vitin 2018, Zalli ka deklaruar se brenda një viti merr 58,963 euro neto në vit apo 4,913.58 euro në muaj.
Po ashtu, Demi në intervistë ka folur për përformancën e mjeteve të kursimeve pensionale të investuar jashtë si dhe për humbjet që kanë pasuar mjetet e Fondit gjatë vitit 2018. /Telegrafi/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Relaksim në përjetësi, me “Holiday In 2” t’gjitha i ki
Fito udhëtim në çift me IP Petrol!
Respekti dhe vlerësimi i punëtorëve refletojnë në suksesin e Emona Center
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit