Edhe një hap drejt suksesit për Lobin Euro-Atlantik Shqiptar në Norvegji

Departamenti i zyrës së tatimeve në Norvegji i përgjigjët pozitivisht kërkesës së Lobit Euro-atlantik Shqiptar, për të liruar nga tatimi çdo shumë mbështetëse që i dhurohet kësaj organizate.

Ky vendim pozitiv vie, pasi Lobi Shqiptar kishte plotësuar të gjitha kriteret e kërkuara të parapara nga ky departament.

Lobi Euro-atlantik Shqiptar është organizata e vetme mbarëkombëtare,në nivel shtetëror në Norvegji dhe atë global.

Synimi kryesor i Lobit Kombëtar është që të rrjetëzojë organizatën në mbarë diasporën dhe të ushtrojë aktivitetet e saja deri në realizimin e të gjitha objektivave të parapara në të gjitha nivelet e organizuara të interesave, në këto fusha:

Interesa të organizuara në fushën e ekonomisë, punës, biznesit, fushat sociale, në fushën e kulturës, shkencës, interesa në fushën e shoqërisë, aty ku jetojnë mërgimtarët.

Interesa të organizuara në fushën e vullnetarizmit, humanizmit, të shoqërisë intelektuale, në atë të medieve etj.

Mbrojtja e vlerave tona ,integrimi i mirëfilltë në shoqëri ku jetojmë dhe luftimi i dukurive negative, do mbetët kurdoherë në agjendën e aktiviteteve të LEASH.

Është e kuptueshme se për të fuqizuar një Lob Kombëtar,kërkohet mbështetje masive.

Lobi Euro-Atlantik Shqiptar ka filluar dukshëm të regjistroi një mbështetje serioze.

Deri më tani, LEASH ka gëzuar mbështetje nga dy institucione  shtetërore Norvegjeze, IMD dhe Departamenti i Kulturës.

Mbështetje të besueshme dhe qëndrueshme kemi nga bordi i LEASH dhe anëtaret tjerë vullnetarë nga Nëndega e LEASH-për Møre og Romsdal ,arkivistët në Kristiansand, Drammen, Stavanger, Molde dhe ca firma tjera të cilat do i bëjmë publike në një informim tjetër.

Lobi Euro-Atlantik Shqiptar , pas dy viteve aktivitet të bazuar vetëm në vullnetarizëm, për herë të parë ka bërë ftesë publike nga Nëndega e LEASH Ålesund, për mbështetje financiare nga publiku.

Ftesa përmban këto kërkesa për mbështetje:

Anëtarësimi vjetor për një anëtar nga mosha 16 vjeçare, 200 krona.

Mbështetjet nga bizneset private 2000 krona.

Kërkesa për sponsorues mbetët e hapur dhe e mirëpritur.

Të gjitha format e mbështetjes janë të bazuara në vullnetin e plotë të individëve.

Të gjithë përkrahësit e Lobit do kanë mundësi të njoftohen më raportin zyrtar të ekonomisë së organizatës.

Raportimi në zyrën tatimore është obligative dhe duhet të kryhet nga organi më autorizim shtetëror.

Mbështetja e juaj morale,ekonomike dhe çfarëdo forme tjetër, është një motivim dhe shtytje per punën tonë vullnetare pa asnjë formë pagese.

Ne duam t’i kryejmë porositë e Rilindësve tanë./Telegrafi.