Zëvendëskryeministri i Kosovës, Enver Hoxhaj, ka thënë se Kosova ka bërë punën që do të duhej ta bënte çdo shtet serioz sa i përket kritereve për liberalizimin e vizave.
“Nëse kësaj teme do të duhej t’i vendosej një emër kjo është ‘shpërfillje tipike evropiane’ në raport me Kosovën, dhe një lloj mos pranimi evropian, pasi neve na është thënë se procesi është teknik dhe nëse plotësoni kriteret do të shpërbleheni”, tha ai.
Hoxhaj në “Dossier D” me Fidan Ramën në RTV Dukagjini ka thënë se shtetet me peshë duket se kanë qenë vendimtare për bllokimin e vizave për Kosovën.
“Shtetet mbështetëse ishin të pakta dhe disi të heshtura. Hezitonin të flisnin në favor të liberalizimit të vizave”, tha Hoxhaj, përcjell Telegrafi.
Duke folur për procesin e themelimit të ushtrisë, Hoxhaj ka thënë se deri tani gjithçka që është bërë në lidhje me FSK-në, Kosova është konsultuar me shtetet kyçe të NATO-s.
“Duhet ruajtur një raport strategjik me NATO-n. I lus edhe zyrtarët shtetërorë të kenë kujdes me deklarata… Data 14 dhjetor do të jetë historike. Procesi i themelimit të ushtrisë është proces i pandalshëm”.
“Ushtria e Kosovës do të jetë partner i NATO-s, kurse ne jemi i vetmi vend në botë që do të duam të kemi NATO-n edhe më tej në Kosovë”, tha ai.
Duke folur për taksën ndaj mallrave serbe, zëvendëskryeministri Hoxhaj ka thënë se taksa para së gjithash është veprim politik.
“Është një situatë kur Serbia të vetmen gjë që dëshiron ta ketë në suaza normale me Kosovën është tregtia”.
Nënkryetari i PDK-së thotë se subjekti i tij politik vazhdon të mbështesë mbajtjen e taksës ndaj produkteve serbe.
“PDK ka dhënë mbështetje të plotë për taksën ndaj produkteve serbe, derisa nuk ka ndonjë situatë tjetër nga ajo që është”, tha Hoxhaj, përcjell Telegrafi.
Për situatën politike në vend, Hoxhaj ka thënë se e “çmojmë qasjen e PSD-së në raport me dialogun dhe rezoluta e tyre e ka mbështetjen e PDK-së”.
“Dialogu nuk i sjell votë asnjë subjekti politik. Nuk është temë popullore… I ftojmë edhe subjektet tjera opozitare t’i bashkohen këtij procesi në të mirë të vendit… Bashkangjitja e LDK-së, apo VV-së do të ishte mrekulli!”.
Hoxhaj ka thënë se tashmë ka një pajtim se Fatmir Limaj dhe Shpend Ahmeti do të kenë një rol drejtues në dialogun me Serbinë.
“Besojmë se nga mesi i dhjetorit do të del në votim në Kuvendin e Kosovës”, tha Hoxhaj./Telegrafi/
Promo
Reklamo këtuLufta Prigozhin - Putin
Më shumëProfesori shqiptar nga Londra: Në Britani të Madhe i gjithë spektri politik është pro Kosovës
Një milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
Parlamenti britanik miratoi mocionin e Alicia Kearns për Kosovën
Në automjetin me targa të Serbisë, policia konfiskoi 390 kg duhan kontrabandë në Gjilan
Deputeti i LVV-së akuzon opozitën, Basha: Po i shtrembëron raportet ndërkombëtare për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe