Butrint Batalli
Marr shkas nga mbledhja e Qeverisë së Kosovës dhe asaj të Shqipërisë në Pejë. Qytetarët presin as më pak e as më shumë se veprime konkrete, të matura dhe vendime të zbatueshme një orë e më parë. Në mbledhjen e përbashkët, të pestën me radhë të dy qeverive Shqipëri- Kosovë, përtej retorikës së bukur politike dhe patriotike, ka ardhur koha të dëshmohet një pragmatizëm politik dhe vetëdije e lartë qytetare nga ana e përfaqësuesve të popullit, që të fillojmë të ndjejmë efekte pozitive të cilat ndikojnë drejtpërdrejtë në përmirësimin e mirëqenies së qytetarëve tanë.
Pas tarifës 100 për qind të Qeverisës së Kosovës ndaj mallrave serbe që nuk është asgjë më tepër se masë reciprociteti dhe një reagim politik i vonuar, por i duhur ndaj sjelljeve dhe agresionit të vazhdueshëm të shtetit Serb (që po ndërmerr në të gjitha aspektet me synim zhbërjen e shtetësisë së Kosovës dhe defunksionalizimin e saj ekonomik), duhet shfrytëzuar momentumi i krijuar që bashkëpunimi Shqipëri-Kosovë realisht të bëhet funksional në të gjitha segmentet e jetës. Përpos rëndësisë vitale kombëtare edhe në aspektin ekonomik, të gjitha studimet paraprak nga institute të ndryshme hulumtuese dhe akademike kanë nënvizuar komplementaritetin e dy tregjeve (Shqipëri/Kosovë) ndaj njëra tjetrës. Kjo veti plotësuese e dy tregjeve tona për njëra-tjetrën vetëm sa konsolidon aftësitë dhe përparësitë ekonomike duke krijuar ekonomi të qëndrueshme afatgjate dhe si rrjedhojë stabilitet social dhe politik në vendet tona që janë më shumë se kurrë të domosdoshme për t’i bërë ballë trysnisë së madhe që bëhet nga globalizmi dhe tregjet e zhvilluara.
Marrëveshjet që pritet të bëhen efektive nëse nuk mbesin vetëm në aspektin deklarativ, do të kenë efekte pozitive të menjëhershme në shoqëri.
– Krijimi i një ombrelle të përbashkët të dhomave të tregtisë (odave ekonomike) do të intensifikojë bashkëpunimin mes sektorit privat në të dy anët e kufirit dhe do të rrisë nivelin e shkëmbimeve tregtare për të plotësuar nevojat e konsumatorëve tanë.
– Promovimi “Blej Shqip” në të dy anët e kufirit do të shtonte besimin tek investitorët tanë për investime të vazhdueshme në kapacitete prodhuese dhe përmirësim të cilësisë me efekt të ngritjes së avantazheve konkurruese edhe në tregun ndërkombëtar.
– Lobimi i sinkronizuar tek institucionet evropiane për zhbllokimin e linjës së transmisionit të energjisë Shqipëri-Kosovë është i domosdoshëm, pasi që kjo do të ndihmonte në zhvillimin e tregut të përbashkët, rritjen e kapaciteteve të shkëmbimeve të energjisë ndërmjet Kosovës dhe Shqipërisë duke shfrytëzuar disponueshmërinë e kapacitetit të pikut të prodhimit sezonal të energjisë të njërit vend me brez jashtë pikut të vendit tjetër. Kjo përforcon më tutje natyrën komplementare të të dy ekonomive tona.
– Heqja e deklaruar e tarifës së romingut do të ketë efekt të jashtëzakonshëm në shkrirjen e barrierave në komunikim dhe në rritjen e lidhjes mes nesh në baza ditore. Kjo do të sjellë edhe efekte të theksuara në lirimin e shportës së konsumatorit.
– Të fillojmë menjëherë me zbatimin e marrëveshjes për lehtësira doganore dhe heqjen e barrierave, sidomos atyre jotarifore mes dy vendeve, duke e bërë kufirin simbolik dhe jetësuar bashkimin doganor. Bashkimi doganor më pastaj me një plan veprimi konkret për reforma, përafrim dhe harmonizim legjislativ me afat të përcaktuar qartë, do të na mundësonte krijimin e kushteve të formësimit të një tregu të përbashkët (Single market).
Vlen të ceket se gjatë 25 viteve të fundit, Tregu Unik (i përbashkët) i BE-së ka ngritur mirëqenien e qytetarëve evropianë, duke bërë Evropën një nga vendet më tërheqëse për të jetuar dhe për të bërë biznes. Katër liritë e saj të pandashme – lëvizja e lirë e njerëzve, mallrave, shërbimeve dhe kapitalit, kanë ndihmuar në përmirësimin e prosperitetit të qytetarëve të Bashkimit Evropian dhe ka forcuar aftësitë konkurruese të BE-së. Andaj ne nuk duam as më pak e as më shumë se këtë që vazhdojnë të bëjnë vendet e BE-së mes tyre, duke ndërmarr veprime strategjike dhe praktike në të mirë të kombit tonë dhe qytetarëve të kësaj pjese të Evropës përmes unifikimit të tregut, gjë që mund të shfrytëzohet si një gurë themeltar edhe në procesin e zbatimit të prioriteteve të reformës evropiane.
Është koha për të vepruar!
Promo
Reklamo këtuLufta Prigozhin - Putin
Më shumëNga Rubrika
Aleatët e Robert Fico kërcënojnë me luftë – me shpërbërjen e demokracisë sonë
Pavarësisht nëse Robert Fico mbijeton dhe rifillon ose jo detyrën, Sllovakia është në situatë të rrezikshme
Lidhja mes ekonomive: Roli katalizator i pagesave ndërkufitare me kosto të ulët në Ballkanin Perëndimor
U raportua se tregoi para Policisë së Serbisë të dhëna për UÇK-në, Durmishi: Është dokument i falsifikuar, jo deklaratë e imja - nuk shantazhohem dot nga UDB-ja
Policët nepalez e ndaluan të riun, por mbetën pa fjalë kur ai u tregoi patentë shoferin
Ndryshimi në skemën sociale, ministri Murati fton familjet në nevojë për aplikim
Infermierja zbulon se çfarë tingulli rrëqethës lëshojnë njerëzit 24 orë para vdekjes
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
Sa para do të fitojnë Fury dhe Usyk nga përballja e sotme në Arabinë Saudite?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore