Vizita e fundit e Barcelonës te Interi: Vullkani, goli në pozitë jashtë loje i Militos dhe penalltia e kërkuar nga Alves

Këtë të martë Barcelona do të jetë mysafire e Interit në Giuseppe Meazza.

Skuadra spanjolle do të kthehet në ‘Tempullin e futbollit’ për t’u përballur me zikaltrit për herë të parë nga 20 prilli 2018.

Marca ka kujtuar vështirësitë e udhëtimit të skuadrës së Barçës drejt Milanos dhe pastaj referimin jo të mirë (duke iu referuar gazetës spanjolle në fjalë) në ndeshjen e parë të gjysmëfinales:

Vullkani:

Fluturimi një orësh me aeroplan nga Barcelona në Milano nuk kishte ndodhur vite më parë. Në 2010 skuadra e Pep Guardiolas ishte detyrar të udhëtonte drejt qyteti të modës me autobus pasi udhëtimi me aeroplan ishte i pamundur në Evropës. Kjo për shkak të hirit të vullkanit islandez.

Lexo po ashtu Pique me një mbërritje të dhimbshme në Milano, godet fuqishëm pasqyrën e autobusit

Udhëtimi i tyre i gjatë kishte përfshirë një ndalesë në Cannes (Francë) për një natë, ndërsa kur mbërritën në Milano ata nuk ishin në kushtet më të mira fizike për shkak të lodhjes.

Goli i Militos në pozitë jashtë loje?:

Në fund ata kishin humbur me rezultat 3-1, në atë kohë ndaj skuadrës të drejtuar nga Jose Mourinho.

https://youtu.be/AGOQY_YUUkI?t=233

Por, nervoza e Barçës ishte rritur te goli i fundit në ndeshje nga Diego Milito, që sipas tyre ishte në pozitë jashtë loje.

Penalltia e kërkuar nga Dani Alves:

Katalunasit ishin inatosur edhe më shumë kur gjyqtari Olegario Benquerenca nuk mendoi se ndërhyrja e Wesley Sneijder në Alves ishte penallti.

https://youtu.be/AGOQY_YUUkI?t=290

Kujtojmë se ndeshja e dytë në Camp Nou kishte përfunduar me rezultat 1-0 për Barçn, duke i mundësuar kështu kalimin Interit në finale ndaj Bayern Munichut, që në fund ekipi italian kishte fituar finalen me rezultat 2-0. /Telegrafi/