Matuidi: Mbappe ka gjithçka për ta fituar Topin e Artë

Mesfushori i Juventusit, Blaise Matuidi mendon se ylli i Francës dhe Paris Saint-Germainit, Kylian Mbappe, ka gjithçka që përfundimisht të fitojë Topin e Artë.

Mbappe, 19-vjeçar, është ndër kandidatët kryesor për çmimin e këtij viti, edhe pse sulmuesi nuk konsiderohej si një nga favoritët.

Megjithatë, Matuidi beson se adoleshenti, i cili e ndihmoi PSG-në të fitonte një kurorë të trefishtë sezonin e kaluar dhe u emërua lojtari më i mirë i ri pasi Franca fitoi Kupën e Botës – do të fitojë çmimin individual një ditë.

Lexo po ashtu Kylian Mbappe, më i mirë se Messi dhe Cristiano Ronaldo në moshën 19 vjeçare

“Ai është ndër të nominuarit kështu që ai mund të fitojë”, ka thënë fillimisht Matudi në një konferencë shtypi.

“Ai ka treguar se ai është një lojtar i madh, pavarësisht nga mosha e tij e re”.

“Ajo që ai tregon në fushë është shumë mbresëlënëse, ne e shohim edhe në stërvitje, jemi shumë të lumtur që punojmë me të”.

Lexo po ashtu Di Maria: Mbappe do ta fitojë Topin e Artë, PSG klubi i fundit në Evropë  

“Unë nuk do të jap favoritë sepse nuk dua të kem armiq në grup. Mund të fitojë njeriu më i mirë”.

“Por, Mbappe ka gjithçka për të fituar Topin e Artë këtë vit apo në të ardhmen”, përfundoi mesfushori i Juventusit. /Telegrafi/