Raportet ndërmjet presidentit të Kosovës, Hashim Thaçi dhe kryeministrit, Ramush Haradinaj, janë acaruar kohëve të fundit si pasojë e qëndrimeve të kundërta rreth idesë për ndryshimin e kufijve Kosovë-Serbi, e cila ka rrjedhur nga dialogu në nivel presidentësh, Kosovë-Serbi në Bruksel.
Presidenti, Hashim Thaçi, ka mbrojtur qëndrimin e tij ndaj deklaratave të kryeministrit të vendit, Ramush Haradinaj, duke thënë se dialogu ndërmjet Kosovës dhe Serbisë nuk ka vdekur dhe se është në një fazë të rëndësishme.
Në anën tjetër, kryeministri i Kosovës, Ramush Haradinaj, të martën tha se qëndron prapa deklaratave të tij duke thënë se ai që ka vdekur nuk ngjallet më.
“Njëherë ka ndodh, është ngjallur Krishti, po çështja e korrigjimit të kufijve, e shkëmbimeve të territoreve ka vdekur”, tha Haradinaj.
Ndërsa, analistët vendor në një prononcim për Telegrafin kanë thënë se mospajtimet mes dy krerëve të lartë të shtetërorë, vendin e drejtojnë në zgjedhje të parakohshme parlamentare.
Njohësi i këtyre rrethanave, Imer Mushkolaj vlerësoi se presidenti Thaçi, me zhgënjimin nga mungesa e përkrahjes për idenë e tij, mund t’i hakmerret Haradinajt duke ndikuar tek deputetët e PDK-së, që të prishet koalicioni.
“Hashim Thaçi është i zhgënjyer nga mungesa e përkrahjes për idenë e tij. Ai mund t’i hakmerret Ramush Haradinaj duke ndikuar tek deputetët e PDK-së që të prishet koalicioni qeveritar. Nëse Thaçi vazhdon të mos e gjejë mbështetjen e duhur, atëherë mund të provokoj zgjedhje të reja. Nga ana tjetër, Haradinaj e di që kjo mund të ndodh, andaj vazhdon diskursin kundër idesë së Thaçit”, ka thënë Mushkolaj.
Ndërsa, profesori dhe analisti Ramush Tahiri theksoi se mospajtimet tashmë të bëra publike ndërmjet dy krerëve të lartë shtetërorë, domosdo do ta çojnë vendin në zgjedhje të reja parlamentare ose presidenciale.
Sipas tij, presidenti Thaçi ose kryeministri Haradinaj duhet të japin dorëheqje nga pozita e tyre.
“Mospajtimet tash të bëra publike ndërmjet kryeministrit dhe presidentit të Kosovës për çështje kaq madhore domosdo që e qojnë vendin në zgjedhje të reja parlamentare ose presidenciale sepse njeri o tjetri detyrohet të jap dorëheqje nga funksioni në të cilin është zgjedhur nga Kuvendi i Kosovës. Secila nga kjo zgjidhje i ka pasojat e veta edhe për AAK edhe për PDK”, potencoi Tahiri.
Ai po ashtu tha se tashmë është e sigurt që Kosova këtë vit do të mbajë zgjedhje të parakohshme parlamentare.
“Është tashmë e sigurt se Kosova këtë vit do të mbajë zgjedhjet e parakohshme parlamentare. Të vogla janë gjasat që rrëzimi j Qeverisë të bëhet gjatë miratimit të buxhetit që mund të zgjasë deri në muajin mars të vitit të ardhshëm”, tha ndër të tjera Tahiri.
Ndryshe, dialogu Kosovë-Serbi është mbajtur në fillim të muajit shtator, mirëpo një takim bilateral ndërmjet presidentit të Kosovës, Hashim Thaçi dhe atij të Serbisë, Aleksandar Vuçiq me ndërmjetësimin e përfaqësueses së Lartë për Politikë të Jashtme të BE-së, Federica Mogherini ka qenë i pamundur të zhvillohet. /Telegrafi/
Lufta Prigozhin - Putin
Më shumëNga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Konkursi për gradimin e policëve, dyshohet për favorizime të familjarëve të eprorëve
Meta: Ambasadorin italian do ta kisha shpallur “non grata” në Shqipëri
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë