Propozim-vendimi i Qeverisë për kandidatët për kryesues të Bordit të ZRRE-së ka shkaktuar polemika të ashpra në debatin e sotëm të Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal.
Anëtarët e partive opozitare nuk e kanë përkrahur raportin e Qeverisë me propozime, pasi sipas tyre është komprometuar dhe kërkuan të hiqet nga rendi i ditës. Me shumicë votash u vendos që deri në mbledhjen e ardhshme të japë një sqarim Qeveria përse është larguar kandidati i tretë prej garës, i cili ka pasur më së shumti pikë gjatë poentimit.
Qeveria ka propozuar Bekim Jakupin dhe Petrit Pepajn për kryesues, ndërsa ka hequr kandidatin e tretë Fadil Ismajli nga gara, për çka nuk janë pajtuar deputetët e opozitës, Mimoza Kusari, Dardan Sejdiu dhe Hykmete Bajrami.
Anëtarja e Komisionit, Mimoza Kusari-Lila ka thënë se nuk mund të procedohet për bordin e ZRRE pa sqarime shtesë nga Qeveria.
“Letra e cila na ka ardhur prej Zyrës së Kryeministrit në kërkesat që ne i kemi bërë për sqarime nuk ka sjellë asnjë sqarim. Nuk e kemi të qartë pse prej tre anëtarëve të kualifikuar përfshirë anëtarin me më së shumti pikë, dhe në vend të tre anëtarëve janë sjellë dy. Kryetare të lutna, nuk është kjo çështje pozitës dhe opozitës. As nuk është çështje politike, është çështje profesionalizimi. Qeveria neve na ka ofenduar me përgjigjen me përgjigjen që kryeministri Ramush Haradinaj ia dërgoj këtij komisioni”, tha ajo.
Deputeti Dardan Sejdiu ka shfaqur brengën për largimin nga lista të Fadil Ismajlit i cili ka pasur më së shumti pikë, duke thënë se kjo është komplet shpërfillje.
“Konsulenti me të cilin keni nënshkruar ju si pushtet kontratë për mbikëqyrje të procesit për konsulentë, për monitorim, për këshillim thotë: ‘personi më i thirrur për pozitën e kryesuesit e Bordit të ZRRE-së është personi me 36.5 pikë që është Fadil Ismajli. Personi numër dy është Bekim Jakupi dhe personi numër tre është Petrit Pepaj. Këta tre kanë me ardhur në kuvend. Asnjë pikë të përbashkët politikisht nuk e kam me z. Ismajli. Është një person i cili e ka privatizuar komplet sistemin energjetik, por ky nuk është diskutimi sot”, theksoi Sejdiu.
Anëtari i Komisionit Muharrem Nitaj tha se duhet të procedohet me këtë rend të ditës dhe se nuk ka shkelje ligjore në këtë rast.
“Për mua nëse shkruan që Qeveria e Kosovës i dërgon nga lista e përzgjedhur e kandidatëve së paku dy emra në seancë plenare edhe ne duhet ta trajtojmë në Komisioni, për mua qeveria nuk e ka shkelur as ligjin, as dispozitat ligjore. Thash, kam rezervat e mia edhe për kandidatët dhe ju lutemi t’i ndani këto dy gjëra”, ka thënë Nitaj.
Sala Berisha-Shala, kryetare e Komisionit dhe Hykmete Bajrami kanë polemizuar lidhur me këtë pikë të rendit të ditës, me të cilën parashihej votimi i kandidatëve për kryeses të Bordit të ZRRE-së.
“Pse nuk e ka sjellë qeveria X emrin, kjo është një çështje shumë minore që unë konsideroj karshi asaj që bordi duhet me u plotësua. (Ndërhyrje nga Hykmete Bajrami: Nëse donë me qitë në votim pa diskutuar, ne qohem dhe e humbin kuorumin. Ju vazhdoni me mbajte mbledhjen). Hikmete dil e disktuo t’i me media dhe thirri në zyrën tënde të partisë atje dhe fol gjithë ditën se Qeveria po e shkel ligjin, nuk po sjellë emra të caktuar e kështu me radhë. Fjalën nuk ta ndaloj, fol gjithë ditën deri në mbrëmje, deri në mëngjes. Fol sa të duash Hikmete, por nuk e ke mirë. E ke qasjen tënde refuzuese për gjithçka dhe vazhdo – (Ndërhyrje)-Absolut nuk është e vërtetë”, është shprehur Hikmete bajrami)”, kështu janë shprehu deputetet Shala dhe Bajrami.
Anëtarja Hykmete Bajrami ka thënë se procesi i përzgjedhjes së kandidatëve duhet të respektohet pasi Qeveria ka nënshkruar një memorandum me britanikët për profesionalizëm.
Edhe deputeti Veton Berisha ka kërkuar që deri në një mbledhje tjetër të bëhet një sqarim nga Qeveria e Kosovës për Bordin e ZRRE-së.
Në komision është shqyrtuar dhe votuar raporti me amendamente për Projektligjin nr.06/L-033 për Produkte të Ndërtimit. /KP /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Eksploro natyrën me veshjet e stilit taktik të Melodia Px
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Evapify - Pasagjeri yt i përhershëm
Trajtimi i punëtorëve teknikë vazhdon të jetë shqetësues
Telegrafi Jobs, busulla jote për karrierë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur