Të premten, në varrezat e fshatit Llugë të Podujevës, u mbajt ceremonia e varrimit të veprimtarit të çështjes kombëtare dhe ish-redaktorit të KosovaPress-it, Isak Zhitia.
Të pranishëm në këtë ceremoni, për t’i dhënë lamtumirën Isak Zhitisë, ishin familjarë, miq e bashkëveprimtarë të tij. Në emër të shoqatë së veteranëve të UÇK-së, foli Fahri Bala, në fjalën e lamtumirës, tha se për ta është e vështirë ndarja fizike nga bashkëluftëtari i tyre.
Bala tha se ata që e njohën Isak Zhitinë, do ta kujtojnë me respektin më të madh veprën dhe figurën e tij.
“Zona operative e Llapit shquhej për familje që ishin vu në shërbim të atdheut. E tillë ishte familja e madhe Zhitia, nga gjiri i së cilës doli edhe Isaku. Veprimtaria atdhetare e Isakut ishte shumë dimensionale. Në vitin 1981, së bashku me disa shokë ishim edhe organizatorë të demonstratave, ku në dhjetor të atij viti, së bashku me Kadri Hazirin, formuan celulat e para ilegale që shtriheshin në fshatin Llugë dhe Billopojë, për t’u zgjeruar pastaj në disa fshatra tjera të kësaj treve”, ka thënë Bala.
Ndërkaq, në emër të Agjencisë së Lajmeve KosovaPress, foli redaktori Fadil Bajraktari, i cili tregoi se me fillimin e punës se KosovaPress-it dhe në përfundim të luftës, Isak Zhitia u angazhua si redaktor në KosovaPress.
Ai po ashtu tha se Zhitia së bashku me stafin e KosovaPress-it në Kosovë dhe Perëndim, në asnjë moment nuk e ndalën punën në informimin e opinionit kombëtar dhe ndërkombëtar.
“Isak Zhitia, së bashku me të gjithë në zyrën në Zvicër, Nju Jork, Londër dhe Tiranë, nuk e ndalën asnjë moment punën, duke marrë informacione përmes telefonit dhe faksit nga Berisha, nga Shtabi i Përgjithshëm, nga të gjitha zonat e luftës, Evropa dhe bota, dhe pasi i përpunonin, i plasonin në faqen e Kosovapress-it, në shqip, anglisht, gjermanisht dhe frëngjisht. Falë punës së Isakut dhe të gjithëve që ishim të angazhuar në mediat e luftës, falë mbrojtjes së fortë që i bënte Ushtria Çlirimtare e Kosovës, armiku e humbi luftën për ta shuar KosovaPressin”, ka thënë Bajraktari.
Në emër të pronarit të KosovaPress, Skënder Krasniqi, i cili gjendet jashtë vendit, dhe gjithë stafit të Kosovapress-it, Bajraktari shprehu ngushëllime për familjen, miqtë dhe bashkëveprimtarët e Isak Zhitisë.
Ndërsa në emër të kolegëve të punës, fjalën e lamtumirës e tha Mifar Mehana. Të ndjerin Zhitia, kolegu i tij e quajti si njeri të urtë e të matur. Ai tha se pavarësisht sfidave të njëpasnjëshme, Isak Zhitia e deshi shumë jetën dhe kontribuoi çdo herë në shërbim të atdheut.
“Profesionalizmin dhe dijen nuk i mbajte për vete, me mirësjellje i barte te kolegët e punës…Në kujtesën tonë, të kolektivit të termocentraleve, ti do të mbetesh shok, njeri i matur, profesionist. Të qoftë i lehtë dheu i Kosovës për të cilën bëre sakrificë shumë. Lamtumirë shok Isak Zhitia”, ka thënë Mehana.
Isak Zhitia kishte qenë organizator dhe pjesëmarrës i demonstrative të viteve të 80-ta si 8 pajtimin e gjaqeve. Gjithashtu, ishte një ndër organizatorët dhe veprimtarët e njohur të LPK-së, ishte anëtar i redaksisë së gazetës “Zëri i Kosovës”, dhe me fillimin e luftës, u angazhua si anëtar i Fondit “Vendlindja thërret”. Ndërkaq gjatë luftës dhe deri në përfundim të saj, Isak Zhitia punoi si redaktor në zyret e KosovaPress-it në Zvicër. /Telegrafi/
Promo
Reklamo këtuLufta Prigozhin - Putin
Më shumëPolicia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Aktakuzë ndaj dy rusëve që u kapën në Jarinjë
Kurti, ambasadorëve të QUNT-it: Normalizimi i marrëdhënieve me Serbinë dhe anëtarësimi në Këshillin e Evropës nuk duhet të përzihen
Mickoski në VLEN, caktohet agjenda bashkëqeverisëse
Tentoi ta vriste për shkak se refuzoi të kryente marrëdhënie seksuale me të – Prokuroria nis hetimet për rastin në Fushë Kosovë
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'