LSDM: Mickoski nuk ka kredibilitet të flas për arsimin

Nëpërmjet një kumtesë ka reaguar Lidhja Social Demokrate e Maqedonisë ndaj akuzave të Kryetarit të OBRM-PDUKM-së Hristijan Mickoski.

“Hristijan Mickoski, njeriu që ka qenë asistent i atit të tij dhe përfaqësues i OBRM-PDUKM-së kriminale e cila me vite në mënyrë sistematike e shkatërronte arsimin nuk ka asnjë kredibilitet të flas për këtë temë”, thonë nga LSDM-ja.

Ata thonë se nga gjithë profesorët Mickoski është bërë asistent i atit të vet, profesor në Fakultetin e Makinerisë. Ata thonë se se në të gjitha librat në biografinë e Hristijan Mickoskit është vendosur si bashkautor babait të tij, përcjell Telegrafi Maqedoni.

Lexo po ashtu Mickoski: Maqedonia po ballafaqohet edhe me një disfatë, asnjë universitet nuk është në Listën e Shangait (Video)

“Pakujdesia në arsim, eksperimente me lloj-lloj programe, testime eksterne, nënçmimi i mësimdhënësve dhe profesorëve, autonomia e shkatërruar e universiteteve, nxënës, student dhe prindër nën stres, ka qenë karakteristikë në kohën e qeverisjes së OBRM-PDUKM-së” thonë nga LSDM-ja duke shtuar se Mickoski nuk ka qëndrim për të ardhmen e Maqedonisë dhe se notimi për Mickoskin është i pamjaftueshëm apo 1.

Në fund LSDM-ja thotë se tash në arsim vendosen reforma serioze dhe ndryshime të mëdha që sjellin rezultate, dhe arsim më të mirë dhe më cilësor në afat të mesëm dhe të gjatë./Telegrafi/