Man Utd nuk paguan më shumë se 80 milionë euro për Bale

Manchester United e ka bërë të qartë çmimin që është gati të paguajë për yllin e Real Madridit, Gareth Bale.  

Djajtë e Kuq janë të interesuar të përforcojnë edhe më shumë skuadrën për sezonin e ri, pasi sezonin i fundit ishte një dështim pa asnjë titull të fituar.

Përveç repartit të mbrojtjes, drejtuesit e Unitedit duan të forcojnë edhe krahët e sulmit dhe kanë etiketuar Bale si përforcimin ideal për afatin e verës.

Lexo po ashtu Bale kërcënon Realin me largim në verë: Kam nevojë të luaj, dua një skuadër dhe një trajner që besojnë tek unë

Sipas mediumit spanjoll Don Balon, presidenti i Real Madridit, Florentino Perez kërkon 150 milionë euro për shërbimet e Bale.

Megjithatë, ky medium raporton se ky çmim i kërkuar është larg nga ai që ofrojnë Djajtë e Kuq për uellsianin.

Skuadra nga Old Trafford nuk është e interesuar të paguajë asnjë cent më shumë se 80 milionë euro për Bale, i cili shkëlqeu në finalen e Kievit.

Lexo po ashtu Bale ka prioritet rikthimin te Tottenhami, por mirëpret edhe kalimin te Unitedi

Ndryshe, Bale ka thënë se nuk është i sigurt në qëndrimin e tij te Reali, pasi dëshiron të luaj më shumë minuta.

Ylli uellsian ka qenë i lidhur edhe me një rikthim te Tottenham Hotspur, ndërsa nuk do të refuzonte një transferim te Unitedi. /Telegrafi/