Nainggolan lëndohet ndaj Bolognas, pritet të mungoj ndaj Barçës në Ligën e Kampionëve

Radja Nainggolan ka pësuar një lëndim në kampionatin italian dhe pritet të mungojë në ndeshjen e Romës në Ligën e Kampionëve ndaj Barcelonës.

Roma barazoi në udhëtim te Bologna me rezultat 1-1 në ndeshjen e vlefshme për javën e 30-të të Serie A.

Megjithatë, përveç dy pikëve që humbi në këtë ndeshje, Roma mund ta humb edhe Nainggolanin.

Mesfushori belg çaloi pas vetëm 16 minutash lojë me një dëmtim muskulor dhe është një dyshim i madh për të shfaqur në çerekfinale të Ligës së Kampionëve kundër Barcelonës të mërkurën.

Është vet trajneri i Romës, Eusebio di Francesco, i cili ka thënë se vetëm ndonjë befasi mund ta bëjë Nainggolanin të luaj ndaj katalunasve.

“Ne duhet të bisedojmë me stafin mjekësor. Me mënyrën se si shkoi në fushë, ndjesitë nuk janë pozitive rreth këtij lëndimi”, ka thënë fillimisht Di Francesco.

“Mund t’ju siguroj nga përvoja se problemet muskulore (flexor) nuk zgjidhen aq shpejt, por nëse ai është ‘Ninja’, mund të na befasojë”.

“Ai u përpoq tri herë për ta eliminuar lëndimin, por nëse duhej të dorëzohej dhe të dilte nga fushë, kjo do të thotë se ishte e keqe”, përfundoi trajneri italian. /Telegrafi/

Allarme per #Nainggolan https://t.co/yen986K4By

— SportMediaset.it (@sportmediaset) March 31, 2018