Parker bën përgatitjet e fundit private në hotelin ku po qëndron në Cardiff, e gjitha kjo para meçit për pesha të rënda ndaj Joshuas

Joseph Parker është duke kryer përgatitjet e fundit para meçit të së shtunës në Cardiff, meç ky i cili do të unifikoj titujt e botës për pesha të rënda.

Paker dhe Anthony Joshua do të ndeshen mes vete në ndeshjen e madhe të boksit për pesha të rënda.

Boksieri nga Zelanda e Re dhe ai anglez do të përballen mes vete në mbrëmjen e së shtunës në takimin për unifikimin e titujve të peshave të rënda.

Dy kampionët botëror të pamposhtur do të takohet për titujt WBA, IBF dhe WBO në Principality Stadium te Cardiffit.

Parker nga Zelanda e Re është duke kryer përgatitjet e fundit në hotelin ku po qëndron në Cardiff, aty ku audienca e tij është e gjitha private, nga familjarë me shokë.

Mediumi i madh britanik Sportsmail me anë të fotografit të tyre Kevin Quigley ka bërë fotografi ekskluzive nga kjo përgatitje private e Parkerit.

Përgatitjet e Parkerit janë bërë nën drejtimin e trajnerit të tij personal, Kevin Barry, i cili ka emër të madh në botën e boksit.

Ndryshe, Parker ka 24 fitore nga po kaq ndeshje, ndërsa 18 erdhën nga nokauti. Në anën tjetër, Joshua gjithashtu ka bilanc të qind për qind me 20 fitore nga 20 ndeshje, ku të gjitha janë me nokaut.

Ende nuk ka njoftim të saktë zyrtar, por spektakli i madh mes Joshuas dhe Parker pritet të fillojë rreth orës 23:00 në kohën tonë lokale. /Telegrafi/