Zidane: Bale do të jetë gjithmonë i rëndësishëm për Realin

Zinedine Zidane ka konfirmuar edhe njëherë se Gareth Bale mbetet pjesë e rëndësishme e projektit të ekipit spanjoll.

Uellsiani startoi në stol në ndeshjen e Ligës së Kampionëve kundër Paris Saint-Germain dhe në ndeshjen e mesjavës ndaj Leganes.

Sidoqoftë, trajneri i Real Madridit mohon të ketë ndonjë problem me lojtarin dhe se pret që lojtari të shërohet plotësisht.

”Ai gjithmonë do të jetë i rëndësishëm për ekipin dhe është në proces për t’u kthyer në drejtimin e duhur. Një lojtarë mund të qëndroje jashtë, por ai nuk është i vetmi dhe këtu mendoj për të gjithë grupin,” u shpreh Zidane përpara ndeshjes ndaj Alaves.

”Gjëja e rëndësishme është që kur të stërviten të jenë të fokusuar. Dua që ai të jetë në 100 për qind në formë dhe nuk dua ta humbas sërish”, tha francezi.

Bale nuk u shfaq i lumtur për faktin që qëndroi në stol në ndeshjen ndaj Leganes dhe Ceballos poashtu u duk i acaruar kur u dërgua në fushën e lojës vetëm 29 sekonda përpara fundit.

Real Madridi deri më tani ka pasur një sezon zhgënjyes dhe dyshimet vazhdojnë të mbeten në ajër nëse skuadra mund të eliminojë PSG-në në ndeshjen e kthimit që zhvillohet më 6 mars në Parc des Princes.

Ndryshe, takimi i parë i zhvilluar mes këtyre dy ekipeve ka përfunduar në dobi të madrilenëve me rezultat 3-1. /Telegrafi/