Berisha: Duhet të luanim perfekt për ta mposhtur Spanjën

Spanja në xhiron e parafundit të kualifikueseve ka siguruar një biletë për në botërorin “Rusia 2018”.

Spanjollët triumfuan para shikuesve të vetë në stadiumin “Rico Perez” të Alicantes kundër Shqipërisë me rezultat 3-0, e cila ishte humbja e parë e Christian Panuccit si trajner i kombëtares shqiptare, i cili deri më tani kishte një fitore dhe një barazim.

Lexo po ashtu Spanja i shkakton humbjen e parë Panuccit si trajner i Shqipërisë (Foto/Video)

Portieri Etrit Berisha thotë se për të mundur Spanjën duhet të jemi në një ditë perfekte.

“Ne u munduam që të bënim presing larg dhe ta marrim topin për të rrezikuar me kundërsulme, por nuk e arritëm, sidomos në minutat e para kishim shumë vështirësi.

Nuk e bëmë detyrën tonë. Duhet të ishim perfekt në një ndeshje si kjo me Spanjën. Krijuam shumë shanse për gol dhe për të rihapur lojën, por nuk ia arritëm deri në fund”, deklaroi ai për supersport.

Lexo po ashtu Lopetegui: Shqipëria skuadër e organizuar, fitore e vështirë

Pas kësaj, Spanja zë pozitën e parë të grupit G me 25 pikë ndërsa Shqipëria gjendet në vendin e tretë me 13 pikë. Italia ka njëzet pikë pas barazimit 1-1 me Maqedoninë.

Vlen të theksohet se se takimin e radhës kombëtarja shqiptare do ta zhvillojë kundër Italisë ndërsa spanjollët do të ballafaqohen me izraelitët. /Telegrafi/

Lexo po ashtu Panucci: Vetë ia dhuruam fitoren Spanjës