Si një legjendë e FC Basel – mesfushori Taulant Xhaka i jep fund karrierës në verë, me një ëndërr të parealizuar

Pas gjithsej 13 sezonesh, 10 trofesh dhe mbi 400 ndeshjesh me Baselin, Taulant Xhaka do t’i jep fund karrierës së tij profesionale në fund të sezonit. 

Taulant Xhaka mishëron si askush tjetër besnikërinë ndaj klubit kuqeblu: Në vitin 2003, në moshën 12-vjeçare, mesfushori iu bashkua departamentit të të rinjve të FC Basel. 

Ai bëri debutimin e tij për ekipin e parë në vitin 2010 dhe, me përjashtim të një huazimi një vit e gjysmë në GC, ka veshur fanellën kuqeblu gjatë gjithë karrierës së tij profesionale – në gjithsej 406 ndeshje konkurruese deri më sot.  

❤️💙 𝐹Ü𝑅 𝐼𝑀𝑀𝐸𝑅#FCBasel1893 #AlliZämme #BrennefürdrFCB #rotblaulive pic.twitter.com/QxaUb5CYM9

— FC Basel 1893 (@FCBasel1893) February 12, 2025

Taulant Xhaka ka fituar gjashtë herë kampionatin e Zvicrës dhe katër herë Kupën e Zvicrës me FC Basel. 

Mesfushori luajti edhe për Kombëtaren e Shqipërisë në 30 ndeshje, ku shënoi një gol, ndërsa ishte pjesë e kuqezinjve në Euro 2016.

Javët e fundit, 33-vjeçari i është drejtuar drejtuesve të FCB-së dhe ka kërkuar bisedime për të ndërprerë kontratën e tij, e cila zgjat deri në vitin 2027, në fund të sezonit.  

Lexo po ashtu Taulant Xhaka tregon lutjen që i bëri Granitit për mos të udhëtuar drejt Serbisë: Nuk është e lehtë të qëndrosh nën kontroll për 90 minuta

“Gjithçka që kam qenë në gjendje të përjetoj me këtë klub deri më tani ende ndihet si një ëndërr për mua – veçanërisht si qytetar i Baselit. Unë kam qenë në gjendje të përjetoj kaq shumë momente të mrekullueshme në FCB, kam pasur kaq shumë shokë të shkëlqyer në dhomën e zhveshjes dhe kam qenë në gjendje të konkurroj kundër futbollistëve më të mirë në botë”.

“Ishte gjithmonë e rëndësishme për mua që të vendosja vetë se kur do të ndaloja së luajturi futboll dhe tani kam arritur në përfundimin se vera është momenti i duhur. Do të jem 34 vjeç në fund të marsit dhe çfarë mund të jetë më mirë se të tërhiqem në moshën 34 vjeç, numri që kam mbajtur mbi shpinë që në rini”, deklaroi Xhaka. 

𝓔 𝓝𝓸𝓬𝓱𝓻𝓲𝓬𝓱𝓽 𝓿𝓸𝓶 𝓣𝓪𝓾𝓵𝓲 ❤️💙#FCBasel1893 #AlliZämme #BrennefürdrFCB #rotblaulive pic.twitter.com/sNeVQQ9Mt9

— FC Basel 1893 (@FCBasel1893) February 12, 2025

Kjo do të thotë se ëndrra e tij e madhe nuk do të realizohet. Kjo ishte: Të luante sërish bashkë me vëllain e tij, kapitenin e Zvicrës,Granit Xhakën, për FC Basel.  

Graniti ka theksuar vazhdimisht se do të dëshironte të luante sërish me vëllain e tij. Dhe këtë e donte edhe Taulanti. /Telegrafi/