Takimi i dytë mes Mcgregor dhe Mayweather vazhdon me problemet e njëjta – Irlandezi e gjuan me flamurin e tij në fytyrë bokserin amerikan (Foto)

Conor Mcgregor ka marr edhe në Toronto përkrahje të madhe, ndërsa nuk ka munguar as fjalët në drejtim të Floyd Mayweather, madje atij ia gjuajti fytyrës edhe një flamur të Irlandës.

Dyshja ishin në takimin e dytë ballë përballë për ta promovuar meçin që do të zhvillohet me 26 gusht.

Pas konferencës së parë në Los Angeles, boksierët ishin në Toronto, ku Mayweather dhe McGregor vazhduan me sulme verbale ndaj njëri-tjetrit.

McGregor ishte në Toronto edhe pa dy vitesh për një ndeshje me Jose Aldo në kuadër të UFC.

“Isha më parë në Toronto për një ndeshje me Jose Aldon”.

“Ai thoshte gjëra që po fliten tani, që irlandezi nuk e ka asnjë shpresë. Mu deshën vetëm 13 sekonda që ta mposht”.

“Të gjithë ekspertëve të boksit, ju jeni të çmendur nëse mendoni që ky njeri ka ndonjë gjasë”, ka thënë Mcgregor.

Mayweather ka thënë se i di numrat dhe e di sa para do të bëjë.

“Nuk dorëzohem, nuk bie në presion. Jam më i miri dhe e di që jam më i miri”.

Tensionet rriteshin herë pas here mes boksierëve, por kulmi ishte kur Mcgregor e gjuan me flamurin irlandez në fytyrë.

Por amerikani e mori flamurin dhe e vuri mbi super.

Në Toronto ishte edhe këngëtari Drake, i cili e takoi McGregorin prapa skenës.

McGregor ka zgjedhur pikërisht një këngë të Drake për hyrjen e madhe.

Dyshja do të takohen të enjten në New York, para se të fluturojnë për në Wembley Arena. /Telegrafi/