Boksi e shpëtoi nga burgu: Historia e Joshuas që ia kalon skenarit të filmit ‘Rocky Balboa’ – 18 milionë të garantuara, por ende jeton në banesë me mamanë (Foto)
Anthony Joshua ka qenë gjithmonë luftëtar. Por, fati i tij nuk ishte i destinuar të jetë sportist i madh.
Para se të konkurronte të bëhej kampion bote për pesha të rënda, përleshjet e quan atë në anën e errët. Si adoleshent, ai është kapur shpesh në rrugë në qytetin e tij të lindjes, Watford, Herts.
Ai njëherë përfundoi edhe prapa grilave dhe dy herë i shpëtoi një dënimi të gjatë në burg. Por, jetesa e tij në kohën kur ishte i ri, ishte shumë më ndryshme nga ajo e sotshme.
Tashmë një nga sportistët më të suksesshëm në Britani, sonte (e shtunë) do të provojë të futet në histori.
Ai do të mbrojë titullin IBF në pesha të rënda ndaj legjendarit Wladimir Klitschko dhe atë para 90,000 fansave në stadiumin Wembley Stadium, në një luftë që do t’i sigurojë boksierëve nga 17.88 milionë euro, transmeton Telegrafi.
Edhe Joshua e ka pranuar: “Po mos të ishte boksi, do isha prapa hekurave”.
Mjafton një vështrim i shpejtë në albumin e familjes dhe e kupton se është një luftëtar i lindur.
Një nga ato fotografi e ka zbuluar mamaja e tij, Yeta, ku shikohet Joshua si bebe teksa mbron mjekrën si kampion.
Joshua, tani 27-vjeçar, ‘përleshjen’ e parë me policinë e kishte në moshën 16-vjeçare. Në atë kohë ai ishte një futbollist premtues dhe atlet, pasi mund të vraponte 100 metra për më pak se 11 sekonda.
Ai u akuzua për dëmtime trupore, pasi ishte përleshur gjatë një ndeshje futbolli në shkollën fillore.
“Ky djali ishte duke u përpjekur të më shkatërronte. Ia bllokova qafën me kraharorin tim dhe pastaj e hodha mbi shpatullën time. Nuk isha i vetëdijshëm për forcën time dhe normalisht që ai nuk përfundoi mirë. Shkoi në gjykatë, por fatmirësisht ata më dhanë vetëm shuplakë të vogël”, ka thënë Joshua rreth përleshjes që kishte në shkollë.
Joshua i iku burgut në atë kohë, por ai ende ishte në telashe. U zhvendos në banesën e mamasë në një bujtinë dhe shoqërohej me grupe që zakonisht e angazhonin atë për lufta rrugësh, shkruan Telegrafi.
Në 2009, ai e gjeti vetën në paraburgim dy javorësh në burgun e Reading dhe për këtë Josha tha:
“Atje brenda ka idiot dhe ajo është koha kur t’i e kupton se me çfarë ke të bësh. Mund të dënohesha me 10 vite, ende do isha në burg”.
Pas kësaj Joshua u rikthye te mamaja dhe filloi një kurs për t’u bërë murator. Në 2007, në moshë 17-vjeçare, më në fund gjeti një luftë legjitime, ku kushëriri i tij e mori atë në një klub boksi lokal.
Aftësisë e tij befasuan të gjithë dhe kështu ai u zgjodh nga skuadrën e boksit të Britanisë. Por, para Lojërave Olimpike në Londër në vitin 2012, ai gati prishi edhe një herë çdo gjë.
Në vitin 2011, boksieri u kap nga policia dhe në çantën e ekipit të Britanisë së Madhe ai kishte kanabis dhe kështu u akuzua për posedim. Por, edhe një herë i shpëtoi burgut.
U suspendua me 12 muaj dhe u detyrua t’i shërbejë komunitetit për 100 orë dhe për këtë ai tha: “Në mënyrën si ndodhi jam i lumtur, sepse më zgjoi”.
“Nuk ishte nga akuza, por nga mërzia që i kisha shkaktuar shokëve, familjes dhe posaçërisht nënës sime”.
Ekipi i boksit të Britanisë së Madhe e ftoi atë për Kampionatin Evropian, ku Joshua arriti në çerekfinale, edhe pse kishte stërvitur shumë pak.
Më vonë u ftua edhe për Kampionati Botëror në Azerbajxhan. Nëna e tij e cila nuk ishte asnjëherë e pranishme në sallat ku ai është ndeshur, qëndroi në shtëpi dhe e ndoqi nga televizioni.
“Isha shumë nervoze, i mbuloja sytë me një peshqir. Isha në mes dëshirës për të shikuar atë dhe asaj teksa e shikoja duke u lënduar. Ishte tmerruese”, ka thënë Yeta (mamaja), transmeton Telegrafi.
Një vit më vonë, Joshua fitoi medaljen e artë në Londër 2012 dhe ishte hera e parë që mamaja e tij e shikoi atë nga afër.
Pas triumfit olimpik, jeta e tij u rregulla. Tashmë ai nuk kishte probleme financiare dhe kështu i bleu një banesë nënës së tij në Golders Green, në veri të Londrës.
Edhe pse Joshua ka blerë një apartament në vlerë 600 mijë euro, për instruktoren e jogës, Nicole Osbourne, e cila është edhe nëna e djalit të tij, Josephit (i cili ka lindur në tetor të 2015), ai vazhdon të jetojë në banesë me mamanë.
Kur është në kampion stërvitor, ai jeton duke ngrënë mish pule, mish lope, pasta dhe vezë të ziera.
Promotori, Eddie Hearn: “Shmangia e burgut isha pika e kthesës për Anthonyn. Ai është një djalë i keq që po tenton të bëhet i mirë. Boksi ia shpëtoi jetën, i dha disiplinë, fokus dhe fizik të madh”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Real Madrid ka një bishë 19-vjeçare në skuadër: Turku i talentuar Arda Guler tregoi trupin pas stërvitjeve të shumta
Live Meç i madh i boksit mes Tyson Fury dhe Oleksandr Usyk – detajet minutë pas minute
Modric refuzoi dy oferta të mëdha për të qëndruar në Real Madridi, madje ka ulur edhe pagën
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Mbrojtësi i Borussia Dortmund trondit me pamjen e tij - ai fiton 10 milionë euro në vit dhe pas dy javësh ka finalen e Ligës së Kampionëve
"Keni merituar një lamtumirë ndryshe, trajner fitimtar" - ylli i Juventusit del në krah të Allegrit
Tension, shtyrje dhe ofendime pas matjeve zyrtare mes Fury dhe Usyk
"West Ham nuk luan që ta bëjë Arsenalin kampion" - Moyes flet për ndeshjen me Man Cityn dhe objektivin e skuadrës së tij
Zvicra publikon listën preliminare për Euro 2024, mes tyre gjashtë shqiptarë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë