Enrique: Messi është vendimtar edhe kur është duke ngrënë darkë

Luis Enrique e ka lëvduar Lionel Messin pasi u tregua vendimtar në fitoren e Barcelonës në El Clasico.

Superylli argjentinas i shënoi dy nga tre golat e katalunasve në triumfin prej 3-2 ndaj Real Madridit në Santiago Bernabeu.

“Ishte një ndeshje ndërmjet dy skuadrave të mëdha, të cilat mund të fitojnë çfarëdolloj trofeu… Ishte një ndeshje shumë kërkuese fizikisht dhe mendërisht”.

Lexo po ashtu Më shumë se çdo gjë dhe gjithçka, tifozëve të Realit i dhemb ky festim i Messit (Video)

“Fitorja është një shtytje e madhe për moralin në një ditë të rëndësishme për katalunasit, në festën e Shën Jordit”.

“Messi? Ai është gjithmonë vendimtar, madje edhe nëse është në shtëpi duke ngrënë darkë. Ai është më i miri i të gjitha kohërave, ndërsa unë kam parë shumë xhirime futbolli”.

“Tash, lojtarët janë të përgatitur më mirë në të gjitha nivelet dhe ai mund ta bëjë dallimin. Goli i tij (i dytë) ishte po ashtu i 500-ti për të, ndërsa po luan për një klub të mrekullueshëm”.

“Leo gjithmonë krijon superioritet në mes të fushës dhe ne duam që ai të përfshihet sa më shumë që është e mundur”, ka deklaruar Enrique. /Telegrafi/