Katër yjet e Monacos për të cilët do të këtë ‘luftë’ mes klubeve të Ligës Premier në verë (Foto)

Monaco ka kaluar tutje në çerekfinalen e Ligës së Kampionëve duke eliminuar Manchester Cityn.

Ajo që bën përshtypje te skuadra fituese është se në këtë mes janë duke u rritur disa nga talentët më premtues të Evropës.

Sytë e shumë skuadrave të Ligës Premier janë në drejtim të tyre.

Duke filluar nga Kylian Mbappe, Benjamin Mendy, Bernardo Silva e Fabinho ishin ata që shkëlqyen në fitoren e Monacos prej 3-1.

Këta katër lojtarë shumë shpejtë mund të ndërrojnë mjedis, ndërsa Monaco në vitet e fundit është kthyer në një skuadër që shitjen e talentëve e bën me shumë sukses.

James Rodriguez, Anthony Martial, Yannick Carrasco janë disa nga shitjet më të mira që i ka kryer kjo skuadër në vitet e fundit, transmeton Telegrafi.

Kylian Mbappe

Është vetëm 18 vjeç dha ka bërë shumë skuadra për vete. Në Angli mund të hapet ankand për të mes skuadrave më të forta të kampionatit.

Benjamin Mendy

Mendy fillimisht pëlqehet nga Pep Guardiola i cili e kakërkuar mbrojtësin e majtë.

22 vjeçar po vazhdon të bëjë paraqitje të mira si ajo kundër Cityt.

Po ashtu për të interesohen edhe Arsenali dhe Liverpooli.

Bernardo Silva

Portugezi magjik dje në shumë raste e futi në xhep mesfushën e Manchester Cityt.

22 vjeçari këtë sezon ka zhvilluar 28 ndeshje në Ligue 1  ku ka 6 gola dhe 7 asistime.

Për të interesim kanë shfaqur Chelsea dhe Manchester United. Ai edhe vet e ka pranuar që një ditë do të dëshironte të luante në Angli ose Spanjë.

 Fabinho

23-vjeçari mund të luajë si mbrojtës i djathtë dhe para mbrojtjes si mesfushor.

Braziliani  pëlqehet shumë nga City. Për të ka interesim edhe nga Italia dhe Spanja. /Telegrafi/