‘Djemtë e këqij’ të Evropës, Xhaka i dyti futbollistë më i ndëshkuar me kartonë të kuq që nga 2013 (Foto)

Yannick Cahuzac është futbollisti më i ndëshkuar me kartonë të kuq në Evropë që nga viti 2013, por edhe për këtë sezon, ndërsa futbollisti me prejardhje shqiptare, Granit Xhaka gjendet në vend të dytë.

Futbollisti i skuadrës franceze, Bastia, Yannick Cahuzac është dërguar jashtë për herë të katërt këtë sezon të shtunën në një ndeshjen të Ligue1.

Përjashtimi i tij erdhi pasi ia gjuajti në tokë asistentit të gjyqtarit semaforin elektronik, pasi ai u zëvendësua, duke marrë kështu kartonin e katërt të kuq për këtë sezon.

Cahuzac prinë gjithashtu edhe listën e futbollistëve më të ndëshkuar me kartonë të kuq që nga viti 2013 me 10 përjashtime, ndërsa pas tij vjen futbollisti nga Kosova, Granit Xhaka, i cili është ndëshkuar shtatë herë me kartonë të kuq, transmeton Telegrafi.

Vendi i tretë është rezervuar nga mbrojtësi i Milanit, Gabriel Paletta me gjashtë kartonë të kuq ndërsa pas tij vjen ai i Interit, Jeison Murillo, me pesë kartonë të kuq.

Më poshtë Telegrafi iu sjell listën e 10 futbollistëve më të ndëshkuar me kartonë të kuq që nga gushti i vitit 2013: /Telegrafi/

Yannick Cahuzac | Bastia | 10 kartonë të kuq

Granit Xhaka | Arsenal | 7 kartonë të kuq

Gabriel Paletta | Milan | 6 kartonë të kuq

Jeison Murillo | Inter | 5 kartonë të kuq

Wes Brown | Sunderland | 4 kartonë të kuq

Carlos Carmona | Atalanta | 4 kartonë të kuq

Kevin Malcuit | Saint-Etienne | 4 kartonë të kuq

Daniele Gastaldello | Bologna | 4 kartonë të kuq

Emir Spahic | Hamburg | 4 kartonë të kuq

Marcos Angeleri | Malaga | 4 kartonë të kuq