Emery i kënaqur me Verrattin, mohon thashethemet e largimit

Trajneri i Paris Saint-Germain, Unai Emery siguron se ai është i kënaqur me Marco Verrattin dhe jo ashtu siç kanë shkruar mediet ditëve të fundit.

Mesfushori italian u ankua kur u zëvendësua kundër Marseillet, duke çuar  thashethemet se ai mund të largohet nga Parc des Princes dhe pastaj marrëdhënia e tij me Emery ishte prishur, por Emery thotë ndryshe.

“Jam i kënaqur me Verrattin. Cilësia e Marcos është e rëndësishme për ekipin, por ai do të menaxhohet, njëjtë si të gjithë”, iu ka thënë Emery gazetarëve në një konferencë për shtyp, transmeton Telegrafi.

Lexo po ashtu Juve e do Verrattin në fund të sezonit

“Ne do të luajmë ndeshjen e ardhshme dhe është e rëndësishme për të që të jetë i gatshëm për ekipin. Ajo që është e rëndësishme është se sot ai është më i mirë se një muaj më parë. Së pari, ai është përmirësuar shumë fizikisht. Kjo është e rëndësishme, pasi ai filloi para-sezonin pak më vonë se ekipi”.

“Menaxhimi fizik i lojtarëve është i rëndësishëm, dhe sot ai është më mirë. Kjo është një kohë e mirë për të bërë më shumë në ndeshjen e ardhshme, për tu përmirësuar, për të ndihmuar ekipin me cilësinë e tij”.

Lexo po ashtu Agjenti: Verratti nuk do të qëndrojë gjithmonë te PSG

“Sot unë jam i lumtur, dhe unë mendoj se ai do të jetë më mirë në lojë. Ai do të bëjë më shumë në lojë se ai që bëri këtë herë. Ai është një lojtar i mirë, por unë mendoj se ai do të bëjë më mirë”, përfundoi trajneri francez. /Telegrafi/