​Ribery: Dua të qëndroj te Bayerni, nuk do të luaj për asnjë klub tjetër

Franck Ribery, 33 vjeç, është shprehur se të ardhmen e tij si lojtar e sheh gjithnjë te Bayern Munich, duke folur në një interviste për TV Sport1.

“Plani im është të qëndroj këtu, në Munich. Unë kam kohë që jam këtu, i njoh të gjithë, të gjithë më njohin. Se bashku ne jemi me të fortë”, deklaroi francezi, i larguar tashme nga seleksioni, i cili është nën kontrate deri në fund të sezonit 2016-2017.I ardhur në Munich në 2007, Ribery nuk e ka fshehur kurrë interesin për ta përfunduar karrierën te Bayern. “Në Evropë, unë nuk dua që të luaj për asnjë klub tjetër”, theksoi ai.

Lexo po ashtu Të gjitha lajmet rreth Bayern Munichut

Në fund të korrikut, Ribery foli i bëri elozhe trajnerit te ri te Bayern, Carlo Ancelotti. “Carlo Ancelotti është i rëndësishëm për klubin. Qe prej ardhjes se Ancelotti unë ndihem më i përkrahur”, është shprehur ai, transmeton AFP.

Me rikthimin pas problemeve më dëmtimet, ai është në dispozicion te Ancelotti, i cili mund ta aktivizoje të dielën në Dortmund për Superkupen e Gjermanisë, ndeshja e pare zyrtare e sezonit.