Real Madridi në vitin e tretë pa transferim gjigant

Afati kalimtar i kësaj vere nuk pritet të sjella shumë fytyra të reja te Real Madridi.

Për ndryshim nga rivalët e Barcelonës që kanë shtuar radhët me katër futbollistë, Umtiti, Digne, Andre Gomes dhe Denis Suarez, Los Blancos aktualisht kanë afruar në skuadër vetëm Alvaro Moratën i cili është rikthyer në shtëpi pas aventurës 2-vjeçare në Itali me Juventusin.

Edhe pse Zidane ka kërkuar të paktën një ose dy përforcime të tjera mesazhi që kanë lëshuar drejtuesit e Realit ka qenë i qartë: Në skuadër nuk do të afrohet asnjë futbollist tjetër në rast se nga ekipi nuk largohen disa lojtarë.

James Rodriguez i cili ishte një nga emrat më të përfolur për t’i dhënë lamtumirën klubit merengues gjatë kësaj vere, pak ditë më parë zbuloi se dëshira e tij është të qëndrojë në kryeqytetin spanjoll dhe të fitojë sa më shumë trofe me Realin.

Lexo po ashtu Aubameyang nuk frikësohet ta thotë: Vetëm për këtë klub do të largohem nga BVB

Në pamundësi për të afruar në ekip, lojtarë të tillë si Pogba apo Hazard trajneri i madrilenëve, Zidane në një prononcim të fundit ka theksuar se është shumë i kënaqur me grupin e futbollistëve që ka në dispozicion për sezonin e ri.

Duhet edhe më shumë se një muaj që të mbyllet afati kalimtar, por nëse lojtarë si Mateo Kovacic, Isco apo edhe vetë Alvaro Morata i blerë vetëm këtë verë nuk i japin lamtumirën klubit të Realit, mbretërit nuk e kanë ndërmend të bëjnë të tjera ndërhyrje.

Ky do të ishte viti i tretë më radhë që Real Madridit nuk do të blinte lojtarë të madh në një afat.