Oklahoma turpëron rekordmenët (Video)

Oklahoma City Thunder i ka mbajtur leksion kampionit aktual të NBA, Golden State Warriors në ndeshjen e tretë në kuadër të finales së konferencës perëndimore.

Një paraqitje fantastike e dyshes Kevin Durant dhe Rusell Westbrook ka bërë që Thunder të shënojnë fitore të thellë 133-105.

Prej fillimit të ndeshjes vendasit ishin më të mirë, duke përmbyllur çerekun e parë me rezultat 34:28, ndërsa në të dytin e ngritën epërsinë edhe më shumë falë Westbrook dhe Durant që shkëlqyen, ndërsa pjesa e parë përfundoi me 25 pikë epërsi 72:47.

Çereku i tretë ishte fantastik për vendasit të cilën shënuan 45 pikë, ndërsa pranuan vetëm 33 duke ngritur edhe më shumë epërsinë.

Në çerekun e fundit vendasit larguan lojtarët kryesor, por kjo nuk ndikoi aspak në rezultat pasi në fund përfundoi 133-105.

Kevin Durant ishte më efikasi në këtë ndeshje duke shënuar 33 pikë, duke shtuar edhe dy asistime dhe tetë kërcime, ndërsa pati edhe tri bllokada fantastike.

Durant i ndihmua nga Westbrook që shënoi 30 pikë, bëri 12 asistime dhe kishte tetë kërcime.

Tek mysafirët më efikasi ishte Stephan Curry me 24 pikë por të pa mjaftueshme për t’i ndihmuar ekipit të tij.

Pas tri ndeshjeve të luajtura, Oklahoma City Thunder ka epërsinë 2-1, ndërsa ndeshja e katërt përsëri do të zhvillohet në Oklahoma. /Telegrafi/