Kombinimet me ari

Ari është unik dhe i çmuar.. por nuk shkon me gjithçka. Ndonjëherë madje është shumë e vështirë që ta kombinosh me bizhuteri të tjera. Zbulo se cilat janë sekretet e përshtatjes së bizhuterive të arta.

Xhevahire të trashëguara nga familja, të blera ndër vite apo të dhuruara nga i dashuri. Nëpër sirtarë i kemi të gjitha ca bizhuteri ari, që na pëlqen t’i vendosim çdo ditë ose në raste të veçanta

Ari i verdhë

Kujdes! Ngjyra e arit nuk të lejon që ta përshtatësh me çfarëdolloj veshjeje ose stili. Veç të tjerash, bizhuteritë e ditës duhet të ndryshojnë nga ato të natës. Zgjedhja të përket ty!

Gjatë ditës, nëse ke veshur një triko me mëngë të gufuara, vendos në gisht një unazë të hollë, që i bën duart të duken fine. Nëse të pëlqen të vendosësh në qafë një varëse të bukur të hollë, atëherë vish një këmishë jo shumë të hapur. Në çdo rast, mos vendos shumë bizhuteri. Vetëm me një bizhu të artë pamja jote do të jetë më elegante.

Për të qenë fashion, zgjidh një zinxhir të ndërthurur me gurë, kombinoje me një fustan ose fund të derdhur dhe bluzë me jakë V. Mund të vendosësh edhe një palë vathë ari në formë rrethi. Për të mos e rënduar shumë look-un, mos e ekzagjero me aksesorët, sidomos nëse je pak e kolme.

Në mbrëmje zgjidh një byzylyk ari. Është tendencë dhe gjithmonë shumë seksi kur vishet me një fustan seksi të hapur, në ngjyrë të zezë.

Vër një varëse të hollë elegante, që ngushtohet në qafë. Dhe mos harro një dekolte të bukur, duke hidratuar lëkurën me një krem të mirë hidratues.

Ngjyrat që shkojnë më shumë me arin e verdhë: kafe, e zezë, gri miu, portokalli dhe ngjyrat pastel, rozë dhe bordeaux.

Ari i bardhë

Në përgjithësi ari i bardhë është më modern dhe preferohet më së shumti nga vajzat e reja. Mund të kombinohet me gjithçka dhe të shoqërohet me bizhuteri të tjera.

Gjatë ditës për të qenë elegante dhe diskrete, vendos një unazë dhe një byzylyk prej ari të bardhë dhe kombinoje me një fund të ngushtë treçerekëshe dhe një triko të zezë ose të bardhë.

Për të qenë fashion, mund të vendosësh vërtet çfarë të duash. Madje edhe byzylykë me ngjyra. Thuajse të gjitha ngjyrat shkojnë me arin e bardhë. Megjithatë shmange një look shumëngjyrësh, sepse bizhuteria e artë do të humbiste në mes të ngjyrave.

Në mbrëmje vish një fustan me gurë. Bën edhe veshje me dy ngjyra dhe vathë me pikë loti të varur. E thjeshtë dhe seksi.

Ngjyrat që shkojnë më shumë me arin e bardhë duhet të jenë të shndritshme. Ngjyrë mjedre, e kuqe, gurkali, kumbull, e verdhë, por shmang portokallinë. Grija dhe e bardha janë perfekte. /Telegrafi/