Si të stilizoni një fustan të bardhë për takimin tuaj të ardhshëm: Dy sugjerime për versionet e ditës dhe të mbrëmjes

Sugjerime të shkëlqyera për të veshur një fustan të bardhë pa u dukur “e mërzitshme”

Nëse jeni duke menduar se çfarë të vishni për daljen tuaj të radhës dhe sapo keni blerë një fustan të ri të bardhë që mezi prisni ta vishni, ose e mbani të mbyllur në dollap, tani është koha e duhur t’i dëgjoni këshillat tona.

Fustani i bardhë përfaqëson një veshje që frymon elegancë, edhe pse duket i thjeshtë. Mënyra se si e përshtatni mund të shtojë shumë në daljen tuaj të përgjithshme, transmeton Telegrafi.

Lind pyetja, çfarë të vishini me një fustan të bardhë që të mos dukeni “të mpiksura”?

1) Nëse takimi juaj përfshin shëtitjen nëpër qytet dhe pirjen e limonadës në një kafene

Për këtë takim, opsioni më i mirë është t’i përmbaheni versionit të përditshëm me një xhaketë xhins, sandale dhe një çantë më të madhe bezhë, e cila do të kompletojë pamjen tuaj dhe do të japë vulën e një zonje me shije të rafinuar.

2) Nëse takimi juaj përfshin një mbrëmje në kopshtin e restorantit ose një festë më të lehtë

Nëse planifikoni të dilni për një darkë të këndshme në kopshtin e restorantit, opsioni më i mirë që ju shton menjëherë pamjen janë takat.

Takat në të njëjtën ngjyrë, blu, bezhë, rozë pluhur, e kuqe, do t’ju duken perfekte në mbrëmje dhe erëzoni të gjitha me bizhuteri në ngjyrë ari, me një çantë të vogël supe ose dore që do t’ju përshtatet vetëm gjërat e nevojshme. /Telegrafi/