Apple prodhon 20 për qind më pak iPhone?

Apple po përballet me betejën e vështirë për t’i siguruar investitorët se kompania nuk po e humb fuqinë e saj në tregun e teknologjisë, dyshime të cilat kanë ardhur pas pretendimeve nga një analist i njohur i industrisë i cili thotë se Apple është duke e zvogëluar sasinë e prodhimit të iPhone.

Brian Blair, një analist në Wedge Partners tha në një shënim për investitorët se Apple e ka ulur sasinë e prodhimit të telefonit të saj ikonik për një të pestën e totalit në gjysmën e dytë të vitit, si përgjigje ndaj ngadalësimit të kërkesave të tregut për iPhone.
Ai tha se zvogëlimi i sasisë së prodhimit të iPhone mund të jetë si reagim ndaj uljes së kërkesës "në nivel global".

Apple tani ka vendosur të prodhojë prej 90 milionë deri në 100 milionë iPhone, për gjysmën e dytë të vitit, nga 115 deri në 120 milionë njësi sa prodhonte më herët, për periudhë të njëjtë kohore.

Tradicionalisht, Apple për rënien e shitjeve përgjigjej me një model të ri të pajisjes, e cila ngjallte kërkesë të re për një kategori tjetër të tregut. Mirëpo, kësaj radhe me sa duket nuk ka një plan të tillë, për ta rikthyer kërkesën për iPhone. / Telegrafi /