Hipokrat apo hipokrit?
Jemi mësuar tashmë me fenomenin e shfaqjes së partive të reja veçse jo si kërpudhat pas shiut, por para shiut. Viti që kemi përpara krahas debateve të forta mbi çështje jetike që kanë të bëjnë me integrimin e vendit, pritet të jetë një vit i zjarrtë për arsye të ndryshimeve të llogoreve politike të figurave të njohura të politikbërjes në Shqipëri. Priten, madje kanë filluar të duken mëngjeset e partive të reja për zgjedhjet e ardhshme.
Arsyet e shfaqjes në treg të partive të reja janë të larmishme. Së pari mund të rendisim pakënaqësinë e individëve të caktuar në kampet kryesore si rezultat i neglizhencës nga lidershipi. Së dyti mund të rendisim vetëbesimin e këtyre individëve, pasi janë të rizgjedhur disa herë çka do të thotë zgjedhja me partinë e tij i përfton këtij individi pushtet dhe autonomi.
Arsyeja e tretë dhe ndoshta më e rëndësishmja është ajo e planprishjes-parti që formohen në kurriz të një tjetre për ta dobësuar partinë në fjalë. Kjo është edhe arsyeja që e ndez më tepër debatin. Por ajo që bie më tepër në sy, nuk është vetë debati, sesa mënyra sesi mediatizohen sipas interesave këto pozicionime. Vëmë re sesi përçarja e kampit kundërshtar ia çon buzën vesh më vesh kampit tjetër që për fat të keq edhe ai vuan nga e njëjta sëmundje. Pra është një situatë ku armiku i armikut bëhet mik.
Po cili është shqetësimi i vërtetë kur dihet se everesti i partive të formuara në këtë mënyrë nuk shkon më tej se pozicionim si pol i katërt ose ne rastin me te mire i tretë? Ka një specifikë interesante në këtë moment pasi grupi përçarës është njëkohësisht njohës i mirë i dobësive të kampit të vjetër dhe sulmi konsiston jo më drejt kampit kundërshtar tradicional, po ndaj kampit nga ku ka gjeneruar kjo parti. Pra synohet një shkëputje bashkë me një pjesë të elektoratit. Tashmë kjo parti ka në të njëjtën kohë edhe pëlqimin dhe mbështetjen indirekte të kampit kundërshtar pasi i leverdis shumë dobësimi i të “fortit” tradicional.
Problemi nuk qëndron vetëm te formimi i këtyre partive, por edhe te elektorati që nuk di të bëjë dallimin se cili kamp i vjen në ndihmë të hallit. Një elektorat që i jep mundësi jetese çfarëdolloj partie të formuar me çfarëdolloj motoje. Në kushtet e një duopolizimi 20 vjeçar, ku realisht partitë dhe liderët e tyre tradicional kanë aftësinë të përmbushin sadopak kërkesat e elektoratit, ka një grup tjetër partish që i shërbejnë ndoshta pluralizmit, por nuk kanë kurrfarë lidhjeje organike me zgjedhësit e tyre.
Këta shtegtarë të moralitetit politik që hiqen si yje polarë kanë çorientuar shoqërinë, që prej kohësh është në kërkim të vlerave. Secili pretendon të na udhrrëfejë në shtegtimin tonë katërvjeçar dhe për hir të këtij katërvjeçari bëjnë premtime dhe betime si ato të Hipokratit. Nisin si hipokratë dhe përfundojnë hipokritë.
Promo
Reklamo këtuLufta Prigozhin - Putin
Më shumëNga Rubrika
Pavarësisht nëse Robert Fico mbijeton dhe rifillon ose jo detyrën, Sllovakia është në situatë të rrezikshme
Lidhja mes ekonomive: Roli katalizator i pagesave ndërkufitare me kosto të ulët në Ballkanin Perëndimor
Riorganizimi i makinerisë së luftës së Putinit, zbulon frikën e tij më të thellë – ngritjen e rivalëve në Kremlin
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
E ngacmojnë se nuk "di të lexojë", zbulohet problemi shëndetësor që kanë dy vëllezërit Veshaj
Mbrojtësi i Borussia Dortmund trondit me pamjen e tij - ai fiton 10 milionë euro në vit dhe pas dy javësh ka finalen e Ligës së Kampionëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë