Në lagjen e “Trimave” në Kumanovë, ende nuk ka filluar ndërtimi i shtëpive, që u shkatërruan nga luftimet e një muaji më parë.
Qeveria e Maqedonisë ka bërë vlerësimin e dëmit dhe ka premtuar kompensim të plotë, por banorët ende nuk kanë marrë dëmshpërblimin për shtëpitë e tyre të dëmtuara.
Gjendja në Kumanovë është ende larg normalitetit. Dhjetëra shtëpi janë të pabanueshme; mbi 500 vetë presin ndihmën që u ka premtuar qeveria.
Nga ana e tyre, autoritetet thonë se po përfundojnë procesin e vlerësimit, por pa dhënë hollësi mbi afatet kohore për kompensimet. Një sfidë tjetër është ruajtja e balancës dhe tolerancës ndëretnike në zonë.
“Që prej së premtes dhe sot ka pasur zëra se, kanë informuar banorët edhe për shifrat e kompensimit, por zyrtarisht ende nuk dihet asgjë. Pritet, që javën e ardhshme të mbërrijnë konfirmimet zyrtare dhe të shohim, nëse banorët e lagjes do të jenë të kënaqur, apo jo, nga vlerësimi”, ka thënë Shaban Demiri, koordinatori i Shtabit të Emergjencave për lagjen e “Trimave”.
Banorët kërkojnë që të dëmshpërblehen në mënyrë reale. Ata bëjnë thirrje të përshpejtohen procedurat për kompensimin e dëmit, për të filluar sa më parë me ndërtimin e shtëpive të shkatërruara.
“Pasi të arrijnë paratë, unë do të filloj ta rrënoj shtëpinë dhe të nis punën për ndërtimin e shtëpisë së re. Shpresoj që komuna dhe qeveria do të na i lehtësojnë procedurat rreth dokumentacionit, me qëllim që të fillojmë sa më shpejtë me punën”, është shprehur Agron Ajdini, banor i lagjes së “Trimave”.
Me banorët e kësaj lagjeje po solidarizohen shqiptarët e të gjitha trevave. Atyre po iu dalin në ndihmë edhe shoqatat e ndryshme humanitare nga diaspora.
“Jemi një organizatë humanitare nga Brukseli. Kemi ardhur këtu të shohim këtë vend dhe të ndihmojmë banorët e kësaj lagjeje. Kemi mbledhur mjete në Bruksel, nga bashkatdhetarët tanë atje, dhe dëshirojmë t’i shpërndajmë këtu”, ka deklaruar Bylent Ramadani, nga organizata humanitare “Shpresa e re”.
Ndërkohë, banorët që kanë mbetur pa çati mbi kohë për rreth një muaj, kanë gjetur strehim nëpër banesat e familjarëve të tyre dhe nuk e dinë, se kur do të mund të kthehen nëpër shtëpitë e tyre. (TCH/INA)
Promo
Reklamo këtuLufta Prigozhin - Putin
Më shumëNga Rubrika
“Pse bredh?! Je grua pa burrë”, divorci i 40 vjeçares shkak i ngjarjes tragjike në Lushnje
Lajçak thotë se është i gatshëm për takim të ri për dinarin në Bruksel – por a do të ndodhë një i tillë?
Turizëm në katër stinë – si ka ndryshuar trendi në Shqipëri vitet e fundit
Besnik Berisha: Enver Sekiraqa nuk është arratisur
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Fajde nga zyrtari policor - rrëfimi i viktimës se si e humbi pronën
As të dielën nuk gjendet Enver Sekiraqa, pse u la ai në arrest shtëpiak?
Lajçak thotë se është i gatshëm për takim të ri për dinarin në Bruksel - por a do të ndodhë një i tillë?
Thaçit i shkojnë për vizitë në Hagë prindërit e tij
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare