Një video-incizim i postuar në YouTube është dëshmi për dhunimet grupore në Sheshin Tahrir, si dëshmi për tmerrin nëpër të cilin kalojnë aktivistet politike në protestat e Egjiptit. Aktivistët thonë se disa persona tentojnë që kështu të diskreditojnë protestat...
Aktivistët egjiptianë kanë postuar një video-regjistrim tronditës në të cilën shihet se si një grup njerëzish përdhunojnë një grua në Sheshin Tahrir të Kajros.
Javën e kaluar ka pasur më shumë sulme ndaj demonstruesve femra, nga të cilët së paku 20 ishin viktima të abuzimit seksual.
Videoja e postuar nga aktivistët arabë
Në xhirimin, të bërë nga distanca, mund të shohim rrahje masive rreth viktimës, edhe pse ajo nuk shihet. Video përcillet me një koment në arabisht, që përshkruan në detaje se çfarë po ndodhë.
Xhirimin e publikoi grupi i quajtur “Operacioni i luftës kundër keqtrajtimit seksual”, që është formuar në nëntër 2012 me qëllim për ta luftuar dhunën ndaj femrave.
Ky grup mendon se dhuna seksuale është përdorur për të dekurajuar gratë nga pjesëmarrja në protesta.
"Kjo është një çështje politike. Qëllimi kryesor është heqja e grave nga publiku", ka thënë Engi Gozlan, nga grupi i sipërpërmendur.
Duke patrulluar në rrugë, duke mbajtur fletëpalosje dhe duke siguruar mbështetje fizike dhe psikologjike për viktimat, ky grup është një nga të paktët që përpiqet për të përballuar shumë e më shumë sulme ndaj femrave protestuese në Egjipt.
Edhe pse kohë të gjatë dhuna seksuale ishte një temë tabu në Egjipt, pas rritjes së sulmeve publike gjatë kryengritjes së vitit 2011, për këtë temë flitet më shumë. Dhuna kundër grave ka tërhequr vëmendjen e publikut në dhjetor 2011, me pamjet tronditëse të vajzës, të mbuluar me shall dhe vetëm me sutjena, të cilën e rrah brutalisht policia.
Videoja që tronditi botën: Dhuna ndaj të ashtuquajturës “vajza me sutjenin e kaltër”
Falë "vajzës me sutjenin e kaltër”, siç është quajtur nga mediat, tema e dhunës ndaj femrave është bërë e pashmangshme në të gjitha diskutimet politike në Egjipt. Por, siç tregoi sulmi brutal i javës së kaluar, debati rreth kësaj nuk ia doli ta parandalojë dhunën.
Në protesta janë përdhunuar edhe gazetaret. Reporterja e “France 24”, Sonia Dridi, u sulmua në Kajro gjatë raportimit për këtë televizion. Sulmi ndodhi në tetor në Sheshin Tahrir, në të njëjtin vend ku vitin e kaluar e kanë sulmuar dhe dhunuar reporteren e CBS-it, Lara Logan.
Lara Logan flet për përvojën e hidhur të saj, kur dhunohet nga shumë burra në Sheshin Tahrir
Dridi e shpjegoi tërë situatën, duke thënë se qëndronte në shesh duke raportuar, kur e ka rrethuar një turmë e meshkujve. Ata filluan ta prekin në gjithë trupin, tentuan ta zhveshin dhe ta ndajnë nga kolegu i cili ishte në detyrë me të dhe i cili tentonte ta mbronte.
"Vazhdimisht i shohim ata – njerëzit që shfrytëzojnë gratë”, tha Dridi, duke folur për vendin nga i cili raportonte.
Gazetarja franceze ndoshta do ta kishte fatin e njëjtë si Logan, po të mos e shpëtonte kolegu Ashraf Khalil, korrespondent për revistën “Time” e po ashtu edhe për televizionin “Franca 24”.
Khalil tha për “Associated Press” se njerëzit e mbledhur në protestë, disa nga ta, për një çast u “çmendën” dhe u drejtuan tek të dy ata.
Sonia Didri u ndihmua nga kolegu i saj arab, që të mos e ketë fatin e njëjtë si Lara Logan
"Ajo që unë munda të bëj ishte ta mbërtheja, e të shtrëngoja fortë duart rreth saj. Ishte vështirë të dija në ato çaste se sa njerëz rreth nesh ndoshta donin ta ndihmonin e sa vërtetë e sulmonin”, ka thënë Khalil.
Dridi ia doli të shpëtojë kur bashkë me kolegun arriti të vraponte deri tek një restorant, ku e mbyllin derën. Ata dy kanë qëndruar me orë të tëra aty, nga frika për të dalë jashtë. Por, patën fatin dhe shpëtuan pa lëndime./Telegrafi/
Promo
Reklamo këtuLufta Prigozhin - Putin
Më shumëNga Rubrika
Fitoi xhekpotin prej 1.3 miliard dollarësh – i sëmuri me kancer planifikon të përdorë paratë për të ‘gjetur një mjek të mirë’
Prezantohet përbërja e re e qeverisë së re të Serbisë – në mesin e tyre edhe një i sanksionuar nga SHBA
Rusia humb kontrollin e ishullit kyç
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Rusia humbet kontrollin e ishullit kyç
Pse SHBA-ja bleu 81 aeroplanë të vjetër sovjetikë nga Kazakistani?
Ushtria ruse 'ka humbur' 1,250 ushtarë të tjerë në Ukrainë, në vetëm një ditë - humbje të mëdha edhe në armatim
Vuçiq humb kontrollin gjatë konferencës, analisten amerikane Ivana Stradner e quan të çmendur
SHBA shpreson se Hamasi do të pranojë “ofertën jashtëzakonisht bujare” të Izraelit për armëpushim
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri