Zyrtarë të institucioneve të Kosovës janë optimistë se numri i familjeve, të cilat marrin asistencë sociale, nuk do të rritet gjatë vitit 2010. Ata thonë se projektet për punësim të qëndrueshëm, që kanë filluar të zbatohen nga fillimi i këtij viti, do të përmirësojnë mirëqenien e qytetarëve të vendit. Por, ky optimizëm i zyrtarëve të Ministrisë së Punës dhe Mirëqenies Sociale hidhet poshtë nga analistë të çështjeve ekonomike.
Në Kosovë, sipas të dhënave të Ministrisë së Punës dhe Mirëqenies Sociale, janë mbi 35 mijë familje, të cilat marrin asistencë sociale prej 40 deri në 80 euro në muaj.
Sipas analistëve, ndihma që Qeveria e Kosovës ofron për këtë kategori të shoqërisë, karshi çmimeve të larta të produkteve esenciale, është shumë e vogël.
Analisti për çështje ekonomike, Flamur Keqa, thotë se, përballë gjendjes së rëndë socio-ekonomike të këtyre familjeve, institucionet e Kosovës duhet të fokusohen në krijimin e një infrastrukture më të mirë, në mënyrë që të ketë investime të huaja.
“Theks të veçantë duhet t’i jepet stimulimit të ekonomisë së Kosovës, sepse nëse shkohet vetëm në drejtim të përkrahjes së shtresave sociale, pa pasur një burim të mjeteve të caktuara, me të cilat do të përkraheshin, edhe kjo strategji do të ishte e kotë”.
“Jam ithtar i asaj që të përkrahen bizneset dhe ekonomitë e Kosovës, duke u dhënë prioritet sektorëve të caktuar ekonomikë, të cilët i kanë kapacitetet të absorbojnë fuqi të re punëtore”, thotë Keqa.
Vështirësitë që ka kaluar Kosova gjatë luftës, shkatërrimi i ekonomive familjare si dhe largimi i punëtorëve nga puna gjatë viteve ’90, thuhet se kanë shkaktuar një gjendje të vështirë ekonomike, e cila është manifestuar me një shkallë të lartë të varfërisë në vend.
Po ashtu, situata ekonomike e familjeve kosovare vlerësohet të jetë vështirësuar edhe më shumë gjatë viteve të fundit, kur në tregun e Kosovës janë shënuar ngritje të çmimeve të produkteve elementare për jetë, ndërsa asistenca sociale për këto familje nuk ka shënuar rritje të kënaqshme.
Se sa është e mjaftueshme kjo ndihmë për një familje, këshilltari social në Ministrinë e Punës dhe Mirëqenies Sociale, Behxhet Gagjiqi, shprehet:
“Nëse shikohet standardi i jetesës në Kosovë, në bazë të saj, kjo ndihmë zbut sadopak brengat e këtyre familjeve. Këto familje po ashtu janë të liruara nga pagesa e energjisë elektrike. Ky vendim është në fuqi nga viti 2008 dhe vazhdon edhe në vitet në vijim”.
Përkundër faktit që vlera prej 40 deri në 80 euro nuk mjafton për t’i mbuluar shpenzimet elementare të këtyre familjeve, Gagjiqi thotë se gjatë këtij viti nuk është paraparë që të ketë ndonjë rritje, porse për këto familje, sipas tij, do të krijohen mundësi të punësimit.
“Ne jemi përfitues të donacionit të projektit për punësim të qëndrueshëm nga Banka Botërore, ku kemi përfituar 2 milionë euro. Ne do të fillojmë me realizimin e projektit, i cili do të ndikojë në uljen e papunësisë dhe në këtë mënyrë nuk do të ketë rritje të familjeve, të cilat marrin asistencë sociale”, thekson Gagjiqi.
Varfëria, sipas analistit Flamur Keqa, nuk kalohet me asistencë sociale, por me krijimin e vendeve të reja të punës.
“Optimizmi në periudha afatshkurtra dhe afatmesme është shumë i vogël. Ndërkaq, sa u përket periudhave afatmesme, duhet të jemi koshientë se vetëm me zhvillimin e ekonomisë, mund ta zbusim varfërinë dhe t’i ndihmojmë këto familje, të cilat marrin asistencë sociale”, thotë Keqa.
Në vitet e fundit, në Kosovë nuk ka pasur ulje të shkallës së papunësisë. Supozohet se tregu i punës në vend i absorbon nga 4 deri në 6 mijë punëtorë në vit, ndërsa pjesa tjetër mbesin të papunë dhe potencialisht mund të shndërrohen në persona të varfër. /rel/
Lufta Prigozhin - Putin
Më shumëNga Rubrika
AAK kërkon miratimin e Ligjit të Pagave dhe Sigurimeve Shëndetësore, premton pagë një mijë euro
Rizvanolli: Drenasi e Malisheva nga sot me rrjetin 5G
Të shpejta, të shijshme, plot vlera ushqyese – Kurseni kohë, pa sakrifikuar shijen me gjellërat e gatshme të MEKA-s
Rizvanolli: Drenasi e Malisheva nga sot me rrjetin 5G
Të shpejta, të shijshme, plot vlera ushqyese - Kurseni kohë, pa sakrifikuar shijen me gjellërat e gatshme të MEKA-s
Vetura Scout - Platforma që ndryshon rregullat e shitblerjes së veturave në Kosovë!
AAK kërkon miratimin e Ligjit të Pagave dhe Sigurimeve Shëndetësore, premton pagë një mijë euro
Musk hapave për t'u bërë trilioneri i parë në botë deri në vitin 2027, zbulon një raport
American Brain - Histori suksesi për shërimin ndaj varësisë së drogës dhe alkoolit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali
Vjen reagimi i Edon Zhegrovës pas përjashtimit nga kombëtarja e Kosovës
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
Ulje drastike e temperaturave - të martën pritet shi e rrufe
Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë
Balena, miu i ngordhur, macja dhe pëllumbi – historitë se si kafshët janë përdorur për të spiunuar