Ngjarja tragjike e mbrëmjes së 5 majit në Mitrovicë, tronditi tërë qytetarët e Kosovës. Ermal Kamberaj, i riu 24-vjeçar nga një familje e respektuar mitrovicase, u vra në vendin e tij të punës, në lokalin ‘Check In’ ku punonte si kamerier për të mbajtur veten dhe për të ndihmuar familjen e tij.
Kjo vrasje, si kurrë më parë, nxiti një reagim qytetar të mitrovicasve. Kështu, Shoqëria Civile organizoi një marsh protestues. Në të u dënua vrasja e Ermalit dhe u kërkua sundimi i ligjit, hapa efikas në parandalimin e dhunës dhe dukurive negative që rrezikojnë jetët e qytetarëve.
Në emër të këshillit organizativ të këtij marshi protestues, Gëzim Abrashi tha se është shqetësues fakti që pa u bërë një vit, në Mitrovicë u vranë tre të rinj.
Për këtë tragjedi nuk kanë munguar as reagimet e figura publike. Këngëtari Labinot Tahiri ishte i ftuar natën e 5 majit për të performuar në lokalin ku u vra 24-vjeçari.
“Sot, në shumicën e rasteve me dhjetëra persona po futen në lokale me armë në brez”, ka thënë ai. “Sinqerisht, ndjej keqardhje”.
Ndërkaq, moderatori i njohur mitrovicas, Fehmi Ferati, i cili e ka njohur së afërmi viktimën, thotë se ‘Loqkamani” (siç e quante Ermalin), ishte gjithmonë i buzë qeshur. Ferati, përmes një shkrimi uron që Ermali të jetë heroi i qytetit që duhet të ndryshojë.
“Ermal! Matrapazët, hajnat e analfabetët kërcënojnë me çdo gjë duke shkelur ligje e rregulla, e qytetarët e ndërgjegjshëm (e frikacakë) kanë vetëm një përgjigje: Këtu s’ka kurgjo, duhet me ik prej k’tuhit”, tha ai. ai. “Po si u fundos ky qytet kështu?! Ermal i dashtun të na bëhesh hero se ka me i ardhë fundi matrapazllëkut! Ose ikjes nga qyteti yt”!
Me këtë rast nuk ka munguar as reagimi i klubit të tifozëve mitrovicas, Torcida, pjesë e së cilës ishte dhe Ermali.
“Ermali ishe njeri nga ne! Prehu ne paqe”, kanë shkruar ata në profilin e tyre në Facebook.
Një mori reagimesh kanë ardhur edhe nga të rinjtë e Mitrovicës, e njëra ndër to është edhe Fjolla Spanca. Në një shkrim të saj, ajo ka shprehur dëshpërimin ndaj jetës, si rezultat i vrasjes së Ermalit. Për të Mitrovica është shndërruar në një provincë të armëve dhe njerëzve me interes. Sipas saj, ky qytet s’është më për Ermalin e shokët e tij njomakë, sepse është e “provincialit me kallash”.
“Ky s’asht qyteti që e kena dashtë! As shteti për t’cilin patëm luftu”, thotë ajo.
Analisti, Imer Mushkolaj ka reaguar duke thënë se kjo vrasje duhet të jetë alarmi i fundit për shoqërinë dhe institucionet përkatëse.
“Numri i madh i armëve ilegale në duar të njerëzve po e kthen Kosovën në një vend ku jeta vlen më pak se një vend parkimi”, ka thënë ai. “Të ngrihemi të gjithë në mbrojtje të jetës së njeriut, e të mos harrojmë gjithçka shpejt, sapo të varroset viktima e radhës. Mos harroni, kemi përgjegjësi më të madhe, sesa vetëm të solidarizohemi me familjet e viktimave”!
Ndërkaq, avokati Musa Damati ka thënë se për raste të tilla, me kodin e ri penal, parashihet edhe shqiptimi i dënimit me burgim të përjetshëm. Sipas tij, shqiptimi i këtij lloji të sanksionit penal mund t’i parandalojë veprat e tilla penale.
Të gjithë ata që e kanë njohur Ermalin e përshkruajnë si djalë punëtorë e të sjellshëm. Daja i tij ka qenë i ndjeri Faruk Spahija, kryetar në dy mandate i qytetit të Mitrovicës. Në një prononcim për media, daja tjetër i tij, artisti i fotografisë Fahredin Spahija, ka shprehur zhgënjimin e tij me organet e rendit.
“Këtyre organeve për faqe të zezë, siç janë shumica, është thënë se duhet dhënë kohë për të zbardhur rastin”, ka thënë ai.
Familja Kamberaj kishte tre fëmijë, dy djem dhe një vajzë. Ermali ishte fëmija më i vogël. /Telegrafi/
Lufta Prigozhin - Putin
Më shumëNga Rubrika
Opozita kërkon interpelancë në Kuvend për dokumentarin e medias italiane, reagon Rama
Korrupsion me lejet e shfrytëzimit të plazhit në Ksamil, SPAK çon për gjykim dy ish-zyrtar të pushtetit lokal
Arrestohen dy protestues para Bashkisë së Tiranës, u gjetën me lëndë piroteknike
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Sulm fizik ndaj një gruaje dhe kanosje ndaj vozitësit tjetër, Prokuroria ngrit aktakuzë ndaj të dyshuarit në Prishtinë
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Pezulloi detyrat publike për shkak të akuzave ndaj bashkëshortes, Rama i del në krah kryeministrit spanjoll
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre