Moszbardhja e fatit të personave të zhdukur gjatë luftës së fundit në Kosovë, vazhdon të jetë një plagë e rëndë te shumë familje kosovare që nuk dinë për fatin e më të dashurve të tyre. 1745 është numri zyrtar i personave që konsiderohen të zhdukur.
Kjo shifër nuk po zvogëlohet edhe 14 vjet pas përfundimit të luftës. Ka disa vjet që dy grupe punuese, një nga Prishtina e një nga Beogradi, me ndërmjetësimin e Kryqit të Kuq Ndërkombëtar, takohen për të shkëmbyer informacione që mund të sigurojnë për të zhdukurit, por rezultatet janë të pakta. E familjet që kanë të zhdukur, presin, njofton RTK.
Bajram Nalli, është një i moshuar rreth të ‘70-ve. Ai ka të zhdukur djalin, dy nipa dhe shumë familjar të tjerë nga familja e gjerë.
“Institucionet e Kosovës nuk ka bërë sa duhet për zbardhjen e fatit të personave të zhdukur, por shpresojë që në të ardhmen do të punojnë më shumë dhe të zbardhin fatin e personave të zhdukur. I lus institucionet që të punojnë pak më tepër, t’i gjejnë personat e zhdukur, t’i varrosim ata dhe t’u vendosim nga një lule te varri”, thotë Bajram Nalli.
Nalli, thotë se institucionet ndërkombëtare nuk kanë bërë asgjë për kapjen e atyre që kanë bërë krime. Hetimi për autorët që kanë bërë krime luftë në Kosovë, që nga viti 2008, është kompetencë e misionit EULEX.
Janë vendbanimet, Meja, Krusha e Madhe, Krusha e Vogël, Izbica, Rezalla, Suhareka, Lubeniqi, Qyshku i Pejës, e shumë e shumë vende tjera gjithandej Kosovës ku forcat serbe kidnapuan, vranë dhe zhduken pa gjurme mijëra civilë.
Qeveria e Kosovës e di që Serbia ka informacione për të zhdukurit e Kosovës, por këtë çështje Serbia e trajton jo si çështje humanitare, por e shfrytëzon për përfitime të saj politike, thotë zëvendëskryeministri, Hajredin Kuçi.
“Kjo çështje është çështje e qartë politike për Serbinë, por në thelb është çështje humanitare. Serbia e shfrytëzon politikisht por ne duhet ta shfrytëzojmë në kuptimin humanitar, si çështje që duhet të identifikohet secili individ, pa marrë parasysh përkatësinë e tij etnike. Ne, në këtë drejtim, jemi shumë të gatshëm që të punojmë edhe si Kosovë edhe si Qeveri e Kosovës”, thotë Hajredin Kuçi.
Me këtë konstatim pajtohet edhe kryetari i Komisionit Qeveritar për Personat e Zhdukur, Prenk Gjetaj, i cili ka disa vjet që takohet me palën serbe, për të zbardhur fatin e personave të zhdukur.
“S’ka dyshim që Serbia jo vetëm këtë çështje, por çdo gjë e politizon dhe mundohet ta shfrytëzojë për interesa të ndryshme, madje edhe çështjen e personave të zhdukur e mban peng, për arsye se ata kanë punuar me komandë, kanë pasur sistem, kanë pasur organizim me strukturë ushtarake, policore, madje edhe gjykatat kanë manipuluar me çështjen e të zhdukurve”, thotë Gjetaj.
Zëvendëskryeministri, Hajredin Kuçi, nga ana e tij, thotë se Serbia e di vendndodhjen e varrezave masive të pazbuluara deri më tash.
”Serbia e di vendndodhjen, Serbia e di edhe mund ta bëjë identifikimin, se ato kanë qenë veprime të shtetit dhe veprimet e tilla i ndihmojnë vetëm Serbisë, që ta shtyjë identifikimin e personave te pagjetur dhe në këtë kontest ju ftojë që të veni kontakte jo ta ndryshoni mendjen, por veni kontakte dhe në këtë drejtim Qeveria e Kosovës do ta jap të gjithë mbështetjen edhe në kuptimin logjistik e financiar”, thotë Hajredin Kuçi.
Por, bashkëpunimi me shtetin e Serbisë për zbardhjen e fatit të personave të zhdukur është i domosdoshëm, thotë Suzana Novobërdaliu, kryetare e Komisionit Parlamentar për Çështjen e Personave të Zhdukur.
”Nëse, shembull, supozohet një lokacion për varrezë masive në Rashkë dhe është ndërtuar një objekt mbi varreza, ndoshta edhe qëllimisht, për të mbuluar gjurmët, atëherë pa pasur bashkëpunim nuk mund të zbulohet fati i këtyre personave të zhdukur”, thotë Suzana Novobërdaliu.
Ajo e di që numri prej 1745 personash që rezultojnë të zhdukur, të gjithë, nuk do të gjenden, sepse, sipas saj, kanë të dhëna që trupat e shumë persona të vrarë janë djegur. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak