Florin Krasniqi i Vetëvendosjes dhe Bekim Haxhiu i PDK nuk po mund t’i tejkalojnë “armiqësitë” e vjetra, të cilat i shfaqën edhe njëherë të mërkurën në mbledhjen e parë për këtë vit të Komisionit Parlamentar për Mbikëqyrjen e Agjencisë Kosovare të Inteligjencës, (AKI), duke mos kursyer fjalë thumbuese në adresë të njeri-tjetrit lidhur me punën e këtij komisioni.
Derisa deputeti Haxhiu e ka quajtur të dështuar punën e komisionit që e drejton Krasniqi, anëtarë i së cilit është edhe ai, deputeti i Vetëvendosjes ka mohuar një gjë të tillë, duke thënë se është aty për të kryer punën në mënyrë profesionale, e jo që t’i kënaq të tjerët. Madje, Florin Krasniqi i cili udhëheq Komisionin për Mbikëqyrjen e AKI-së, e ka cilësuar këtë agjenci, si institucioni më i pa politizuari në vend, edhe pse sipas tij tentativat nuk mungojnë ashtu sikurse është politizuar gjithçka në Kosovë deri të shërbëtorët e shkollave, shkruan “Zëri”.
Megjithatë, deputeti nga partia në pushtet, Bekim Haxhiu, i cili njihet me nofkën “Kamishi”, nuk kurseu kritika në adresë të rivalit të tij që njihet si “Pullazxhiu” i Amerikës për të cilin tha se nuk po punon dhe se komisioni i tij është një nga më të dështuarit.
Madje sipas tij, jo vetëm komisioni që drejton Krasniqi, por edhe ai i Albin Kurtiti, për Punë të Jashtme janë komisionet më pasive. “Jam i pakënaqur me punën e Komisionit për Mbikëqyrjen e AKI-së dhe jo rastësisht dy komisione që udhëhiqen nga Vetëvendosje (Florin Krasniqi dhe Albin Kurti) janë komisione më pasive në Kuvendin e Kosovës”, ka thënë Haxhiu.
Mirëpo, pakënaqësisë së deputetit të PDK-së, menjëherë i është kundërpërgjigjur deputeti i Vetëvendosjes, Florin Krasniqi, të cilin e quajti thjeshtë mendim të një anëtari të Komisionit. “Këtu ka njerëz me fontanë dëshirash që ta bëjnë parlamentin si edhe e kanë bërë. Ne i kemi parë përgjimet që u publikuan, dhe në kohën kur unë kam thënë se këta (PDK) janë ‘rrugaçë’, ju keni menduar se jam i çmendur . Por, ajo që dua të them është nuk jam këtu që ta kënaq askënd, por që ta kryejë punën time si udhëheqës i Komisioni për çka mendoj se AKI është institucioni më i pa politizuar në vend, fal punës së mirë dhe agresive të Komisionit”, ka thënë Krasniqi.
Në anën tjetër, Komisioni Parlamentar për Mbikëqyrjen e AKI do të kërkojë raport nga AKI-ja rreth informatës se publikuar në media se dëmtimi i varrezave serbe është bërë nga strukturat serbe. Megjithëkëtë, deputeti nga Vetëvendosje, Florin Krasniqi konsideron se AKI nuk është institucion që ka mundur t’i parandalojë sjelljet e tilla.
“Është e pamundshme që AKI të mund t’i parandalojë çdo ekses. Ajo ndoshta i parandalon disa që ne nuk i dimë , por një ekses që është i dëmshëm për Kosovën nuk ka mundur ta parandaloj. Nuk mund ta akuzojmë agjencinë drejtpërdrejtë, ndonëse do të diskutoj për këtë rast me drejtorin Bashkim Smaka. Megjithatë, ne si komision kemi kërkuar ta mbikëqyrim, jo ta menaxhojmë agjencinë”, ka thënë Krasniqi.
Mirëpo, deputeti nga PDK-ja, Bekim Haxhiu tha se do të kërkojnë gjithsesi në mbledhjen e ardhshme të Komisionit që drejtori i AKI-së Smaka të raportojë për çështjen e informatës se dëmtimi i varrezave serbe është bërë nga strukturat serbe. Por, “Kamishi” ka një porosi se nuk duhet kthyer skenarëve të politikave sekrete serbe në Kosovë. Po ashtu, gjatë mbledhjes së Komisionit për Mbikëqyrjen e AKI-së, deputeti i LDK-së Haki Demolli shfaqi mendimin se ka pasur mungesë të mbikëqyrjes së këtij agjenci, i cili përmendi se ende nuk është bërë verifikimi i sigurisë së anëtarëve të komisionit.
“Ne kemi kërkuar që sa më parë të bëhet verifikimi i anëtarëve të komisionit në përputhje me Rregulloren e Punës dhe akteve të Kuvendi, sepse dihet se ne vazhdimisht kemi dëgjuar vetëm raporte dhe nuk kemi bërë ndonjë mbikëqyrje. Prandaj edhe nuk është faji i Komisionit, por faji qëndrojnë diku me lartë”, ka thënë Demolli. Sidoqoftë, në mbledhjen e Komisionit për Mbikëqyrjen e AKI-së është shqyrtuar Projektligji për përgjimin e telekomunikimeve, për çka u vendos që të formohet një grup punues, i cili do t’i bashkohet grupit punues të Komisionit për Siguri. /Telegrafi/
Lufta Prigozhin - Putin
Më shumëNga Rubrika
Aktivistja Blenda Asllani e quan ‘të kundërligjshëm’ vendimin e rektorit të UP-së për pezullimin e profesorit Krasniqi
Detaje nga aksidenti në Çair, janë lënduar dy persona – njëri ka përfunduar në urgjencë
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjatë një operacioni policor në Prishtinë e Gjilan, gjenden dy bunkerë dhe armë zjarri
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Ekspertja e Këshillit të Evropës kritikon Komisionin parlamentar lidhur me Projektligjin për KPM-në
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre