0Shares

Mos e hani çipsin e gjelbër, sepse do t’ju bëjë të villni – është këshilla të cilën me siguri shumica e keni dëgjuar, mirëpo a është kjo e vërtetë?

Më në fund misteri është zgjidhur se a mund t’ju vrasë çipsi i gjelbër dhe si vërtet ai arrin në artikullin më të preferuar të shumicës së njerëzve, transmeton Telegrafi.

Patatja mund të marrë ngjyrën e gjelbër kur i është ekspozuar dritës, ndërsa pjesa e gjelbër është klorofil – i cili vetvetiu është i padëmshëm.

Mirëpo, klorofili mund të përmbajë kimikalien solaninë, të cilin e prodhon bima vdekjeprurëse e quajtur “bari i çmendur”.

Solanina fillon të zhvillohet në patate kur ata janë të ekspozuara në dritë ose në temperatura shumë të ftohta ose shumë të ngrohta.

Edhe pse kjo toksinë është e helmët, ju duhet që të hani një patate të madhe të gjelbër për t’ju bërë të villni.

Kur nga patatja bëhet çipsi, ajo në mënyrë rigoroze verifikohet në fabrikë dhe punëtorët i largojnë të gjitha gjurmët e gjelbra.

Mirëpo, meqenëse për çdo ditë prodhohen me miliona qese çips, ndodh që patatja e gjelbër të gjendet në duar të konsumatorit. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)