0Shares

Gjatë muajve të fundit kishte mjaft raportime se Apple ka probleme të mëdha me prodhimin e modelit të tij të ardhshëm premium iPhone.

Edhe pse pritet që iPhone 7s do të jetë i gatshëm në periudhën e planifikuar, raportet krijuan pamjen se iPhone 8 mund të shihet vetëm në vitin 2018.

Megjithatë, duket se prodhimi është stabilizuar në momentin e fundit dhe se të gjitha modelet e reja iPhone mund t’i shohim deri në fund të këtij viti. Sipas burimeve të Economic News Daily, në uljen e prodhimit ndikim të madh ka pasur dizajni i ri i pllakave, të cilat do t’i kenë iPhone 7S dhe iPhone 8/X/Anniversary Edition.

Prodhimi i këtyre pllakave ishte në nivel jashtëzakonisht të ultë, por gjërat u përmirësuan javëve të fundit, transmeton KosovaPress.

Raporti sugjeron se të tri modelet e reja të iPhone do të gjenden në treg prej tetorit të këtij viti. Kjo është më vonë se sa pritej, duke pasur parasysh se Apple planifikon që telefonat e ri t’i prezantojë në fillim të shtatorit.

Apple nuk ka konfirmuar asgjë dhe të gjitha të dhënat që vijnë nga zinxhiri i furnizimit duhet marrë me rezervë.

Të Ngjajshme
Shfaq Komentet (0)