0Shares

Presidenti i Republikës së Maqedonisë Gjorge Ivanov sot në Budapest u takua me kryetarin e Parlamentit hungarez, László Kövér. Në takim janë këmbyer mendime për marrëdhëniet e përgjithshme bilateale mes Republikës së Maqedonisë dhe Hungarisë, posaçërisht në kontekst të bashkëpunimit në nivel parlamentar.

Presidenti i Maqedonisë vlerësoi se Hungaria është partner i rëndësishëm i Maqedonisë dhe integrimit të saj në Bashkimin Evropian dhe NATO. Ai e përshëndeti bashkëpunimin e deritanishëm mes parlamentave të dy vendeve, duke theksuar se është në pajtim me cilësinë e marrëdhënieve bilaterale dhe ka shprehur pritje për përparim të mëtejshëm në të ardhmen.

Në takimin dy bashkëbiseduesit kanë këmbyer mendime për mundësitë për thellimin e bashkëpunimit edhe në sfera tjera me interes të përbashkët.

Presidenti Ivanov e informoi kryetarin e Parlamentit hungarez për shkaqet për krizën politike në Maqedoni dhe për zgjidhjet e mundshme.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)