Gratë janë më misogjene sesa meshkujt në rrjete sociale

Rrjeti social Twitter me të vërtetë që është vend i misogjinisë, seksizmit dhe urrejtjes së përgjithshme. Një numër i madh i grave kanë marrë kërcënime të shumta përdhunimi vitin e kaluar. Vetëm Jess Phillips kishte marrë 600 sosh brenda një nate të vetme.

Megjithatë, sipas një studimi të ri, thuhet se gratë janë ato që dërgojnë më së shumti cicërima abuzive ndaj grave tjera – jo meshkujt, transmeton Telegrafi.

Kompania e inteligjencës shoqërore Brandwatch ka shikuar gjuhën e përdorur nga përdoruesit e Twitter dhe ka zbuluar se 52 për qind e cicërimave misogjene janë të shkruara nga vet gratë. Ata i kanë shikuar katër milionë cicërima publike për të pasur më të qartë se çfarë lloji të gjuhës përdorin njerëzit.

Hulumtuesit kanë zbuluar se përderisa meshkujt më “burrërorë” i kishin diskriminuar vazhdimisht meshkujt heteroseksualë, gratë kishin qenë më të prira të përdorin gjuhë fyese ku poshtërohej gjinia femërore.

Studimi nuk i ka marrë parasysh ofendimet e zakonshme apo ironike. /Telegrafi/