Nisma e Hashim Thaçit për transformimin e rolit të Forcës së Sigurisë së Kosovës është brengosëse për Gjermaninë, ndërsa fakti që Presidenti nuk konsultoi partnerët ndërkombëtarë për propozimin e tij ka zhgënjyer ambasadën e këtij shteti në Kosovë.
Projektligji i iniciuar për pajisjen e FSK-së me armë dhe marrjen e rolit të ushtrisë mund t’i rrezikojë madje edhe raportet e Kosovës me partnerin e saj kryesor ushtarak – NATO-n, thuhet në përgjigjet e Ambasadës Gjermane në Kosovë dhënë për Klan Kosovën.
“Ne jemi të zhgënjyer që propozimi nuk është diskutuar paraprakisht me partnerët e Kosovës në NATO dhe aktorë të tjerë relevantë. Jemi të brengosur, sepse ky propozim rrezikon bashkëpunimin e Kosovës me NATO-n dhe pengon dialogun e normalizimit”, deklaron ambasada në emër të ambasadores, Angelika Viets, për Klan Kosovën.
Presidenti i Kosovës e ka të garantuar me Kushtetutë propozimin e nismave legjislative, por sipas ambasadës, po kjo Kushtetutë duhet të konsultohet për transformimin eventual të FSK-së në ushtri.
“Definimi i mandatit dhe strukturës së Forcës së Sigurisë së Kosovës janë vendime të pavarura të Kosovës. Megjithatë, çfarëdo transformimi do të duhej të bëhej në pajtim me Kushtetutën e Kosovës dhe përmes një procesi politik transparent që do të përfshinte të gjitha palët e përfshira në të”.
Ambasada gjermane sugjeron edhe që të bëhen llogaritë duke pasur në konsideratë qëndrimet e NATO-s, të dhëna përmes sekretarit gjeneral, Jens Stoltenberg, se aleanca do stepej nga ndihma për FSK-në, nëse ndryshimet bëhen vetëm me ligj e pa Kushtetutë.
“Vendimmarrësit duhet të kenë parasysh paralajmërimet e NATO-s; se NATO-s do t’i duhet të rishikojë nivelin e saj të përkushtimit, posaçërisht për sa i përket çështjes së ngritjes së kapaciteteve, nëse ligji aktualisht i propozuar miratohet”.
Shqetësimet e shtetit gjerman karshi nismës së Thaçit, për të cilën presidenti vazhdimisht ka deklaruar se s’është e njëanshme, por që po vazhdimisht është kritikuar si e tillë nga ndërkombëtarët, kapin edhe një dimension tjetër.
Për një nga shtetet më sociale në botë siç është Gjermania, shumë më të nevojshme janë reformat në fusha të tjera në Kosovë. Prandaj, sipas ambasadës gjermane, tema e çështje si kjo për ndryshim të misionit të FSK-së, mbajnë larg vëmendjen nga problematikat tjera, tejet të rëndësishme.
“Ne e kemi mbështetur fuqishëm një Kosovë të pavarur dhe sovrane, gjatë gjithë kohës. Megjithatë, na vjen keq që çështje polarizuese si kjo, largojnë vëmendjen nga reformat që janë shumë më urgjente, sikur janë sistemi i sigurimeve shëndetësore dhe sigurimi i mirëqenies më të mirë sociale për njerëzit”.
Derisa polarizimet vijojnë, propozimi i para më shumë se dy javëve i Thaçit po vazhdon të bëjë hapat e nevojshëm nëpër institucionet e Kosovës.
Pas dorëzimit të projektligjit nga presidenti në Parlament, sipas procedurave ai është përcjellë për në Qeveri dhe kjo e fundit pastaj e ka dërguar në tri ministri; të Forcës së Sigurisë së Kosovës, atë të Financave dhe në Ministrinë e Integrimit Evropian.
Opinionet e këtyre tri dikastereve të Qeverisë janë përcjellë tek Kryeministri, ku më pas konsumohet koha e nevojshme – më së shumti një muaj nga dita e pranimit të projektligjit – dhe pastaj vendoset data se kur do t’u shkojë deputetëve për votim.
Partitë në Kosovë, të pozitës e opozitës, parimisht kanë pasur unanimitet rreth nismës dhe fillimisht e kanë përkrahur të gjitha, por më pas, kur ideja e presidentit u kundërshtua hapur edhe nga Shtetet e Bashkuara të Amerikës, të paktën për formën, jo pak hezitime kanë filluar të shfaqen.
Një transformimi i FSK-së me ndryshime kushtetuese ashtu siç e duan aleatët strategjikë të Kosovës ishte propozuar mandatin e kaluar.
Lista Serbe, që tani e kundërshton kategorikisht bërjen e FSK-së ushtri, atëbotë votën e vet e kishte kushtëzuar me vazhdimin edhe për një mandat të ulëseve të rezervuara.
Lidhja Demokratike e Kosovës, atëherë në opozitë, e kishte kundërshtuar. Njëjtë kishte bërë edhe Lëvizja Vetëvendosje. /KlanKosova.tv/
Lufta Prigozhin - Putin
Më shumëNga Rubrika
Kallëzim penal kundër një 44-vjeçare nga Velesi, ka përdorur dokument të falsifikuar
Rriten çmimet e sigurimeve për automjetet në Maqedoni
Sulm fizik ndaj një gruaje dhe kanosje ndaj vozitësit tjetër, Prokuroria ngrit aktakuzë ndaj të dyshuarit në Prishtinë
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pezulloi detyrat publike për shkak të akuzave ndaj bashkëshortes, Rama i del në krah kryeministrit spanjoll
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Për herë të parë sot mbahet seanca në objektin e Komunës së Zubin Potokut
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre