Devolli Group dhuron shtëpinë e gjashtë, në vitin e tretë të traditës së Bajramit

Devolli Group, të enjten në kuadër të strategjisë së vet për përgjegjësi shoqërore të korporatave ka dhuruar një banesë në Fushë Kosovë për një familje kosovare e cila ka jetuar në kushte jashtëzakonisht të këqija.

Kjo përkrahje është vazhdimësi e aktiviteteve të Devolli Group, të cilët tanimë çdo vit dhurojnë shtëpi apo banesë për familje të rrezikuara para Fitër Bajramit. Banesa ka 70m2 metra katrorë dhe është e mobiluar në mënyrë të plotë.

Devolli Group vitin e kaluar ka dhuruar 4 shtëpi në Pejë ndërsa një vit më parë ka dhuruar shtëpi në qytetin e Mitrovicës. Aktiviteti do të vazhdojë edhe viteve të tjera, ku Devolli Group do të bëjë donacionin tanimë tradicional në një komunë tjetër të Kosovës.

Familja e përzgjedhur ka 4 anëtarë. Familja ka kryefamiljaren, Hajdari, fëmiu më i madh është tetë vjeç, ndërsa nëna ka edhe 2 fëmijë të tjerë 5 dhe 2 vjeç. Kryefamiljari ka ndërruar jetë.

Përzgjedhja është bërë pas raportimeve në media për këtë familje, gjë të cilin Devolli Group e ka përcjellë dhe ka vendosur që të intervenojë me dhurimin e një banese. “Dhurimi i kulmit mbi kokë është akt bamirësie të cilin kompania e bënë me shumë dëshirë. Për këtë arsye këto aktivitete do t’i vazhdojmë edhe në vitet tjera siç e kemi bërë deri tash”, ka thënë Blerim Devolli pronar i kompanisë Devolli Group.

Në kuadër të strategjisë së përgjegjësisë sociale korporative Devolli Group vazhdon me dhurimin e shtëpive duke i gëzuar familjet me rastin e ardhjes së Fitër Bajramit, vit pas viti. /Telegrafi/