Zelensky beson se deri në vjeshtë do të organizohet Samiti i Paqes me Rusinë

Mund të ketë një samit paqeje Rusi-Ukrainë brenda disa muajsh – nëse bisedimet këtë javë shkojnë sipas planit.

Volodymyr Zelensky shpreson se një takim me Rusinë mund të arrihet këtë vjeshtë, duke thënë se bisedimet e planifikuara në Arabinë Saudite këtë javë janë një hapi drejt saj.

Ai shtoi se rreth 40 vende do të përfaqësohen në Samitin e Paqes që do të zhvillohet në Arabinë Saudite, raporton skynews.

Lexo po ashtu Detaje të bisedimeve të planifikuara në Arabinë Saudite për arritjen e paqes në Ukrainë

Një takim i ngjashëm u mbajt në Kopenhagë në muajin qershor, ku morën pjesë zyrtarë të lartë nga G7, BE-së, Brazili dhe Turqia. Kina ishte e ftuar, por nuk mori pjesë.

Andrii Yermak, i cili drejton zyrën e Zelenskyt, tha se këshilltarët e Ukrainës po përgatiten tashmë për takimin e Arabisë Saudite.

Lexo po ashtu Po përgatitet një takim i madh për përfundimin e luftës në Ukrainë, reagojnë SHBA-ja dhe Rusia

Ai tha se Kievi dëshiron që shumë vende nga Azia, Afrika dhe Amerika Latine të marrin pjesë në Arabinë Saudite, për të ndihmuar “në gjetjen e mundësive për mbajtjen e Samitit të Ardhshëm Global për Paqen”.

Yermak shtoi se “ne duhet të rivendosim rendin botëror, ligjin ndërkombëtar dhe të vendosim një paqe të drejtë bazuar në Kartën e OKB-së dhe në kushtet e Ukrainës”.

Ndryshe, Rusia aktualisht është kundër një konference të paqes me Ukrainën. /Telegrafi/