Vritet një vullnetar amerikan në Ukrainë

Një ish-marins amerikan raportohet se është vrarë në periferi të Bakhmutit.

Cooper “Harris” Andrews u godit nga një mortajë më 19 prill të këtij vit, sipas cnn, duke cituar nënën dhe kolegët e tij në Ukrainë.

Ai u vra në të ashtuquajturën “Rruga e Jetës”, një rrugë hyrëse në Bakhmut e përdorur nga ushtria ukrainase për të rifurnizuar forcat e saja dhe evakuuar civilët.

I’m very sad to say this, but one of the @PopularFront_ community has been killed fighting in Ukraine. Cooper ‘Harris’ Andrews, 26, was a long time PF supporter and part of our Discord. He was a former US Marine and lifelong leftist organiser. He was killed in Bakhmut. pic.twitter.com/ZdNIzRlXdw

— Jake Hanrahan (@Jake_Hanrahan) April 30, 2023

Një grup aktivistësh i quajtur “Komiteti i Rezistencës” ku punonte Andrews, tha se ish-marinsi ishte përpjekur të ndihmonte civilët të largoheshin nga qyteti.

Nëna e tij, Willow Andrews, i tha CNN se “trupi ende nuk është gjetur”.

Lexo po ashtu Mbrojtja kundërajrore e Kievit arrin të shkatërrojë raketat ruse

Ajo tha se ai u largua në muajin nëntor nga qyteti i tij i lindjes, Cleveland, dhe iu bashkua Legjionit të Huaj të Ukrainës.

Departamenti Amerikan i Shtetit tha se mund të “konfirmonte vdekjen e një qytetari amerikan në Ukrainë”, por nuk dha një emër. /Telegrafi/